عالم البنات النسائي كل ما يخص المرأة العربية من ازياء وجمال والحياة الزوجية والمطبخ
نعم غرتني الحياة الدنيا ولهوت فيها
وياما عرفت ان اللي اسويه غلط من سماع الاغاني وغيره
ولكني قلت بيجي يوم واتوب فيه
والحمدلله نويت
وماالاعمال الا بالنيات
وتوكلت على الرحمان الرحيم وايقنت مخافة الله وان مافي ملجأ غير الله
كنت بوقتها عايشه حياة رفاهيه وبذخ ماخذه الحياه انها لهو ودلع وتغيير جو
كنت اصلي بس بسرعه كنت ماادعي
كنت مااقرا القران بانتظام كنت مااستغفر بتاتا
بس تغيرت وربي 360 درجه
طول الفتره الماضيه كنت اخاف الله بس مصره على المعصيه بس بالعزيمه والنيه
تحققت اكبر احلامي
وهي اني اصير ملتزمه
****بديـــــــــــــــــــــــــني***
والله يااخواتي ماكنت ابي اكتب
بس لأنكم اخوتي راح افضفضلكم
رحت شهر 7 العمره تصدقوا يااخواتي هذا الحلم اللي ظنيت اني ماراح احققه
ماتعرفوا المطبات اللي مرت عليه
بس ربي عطاني على قد نيتي
اول حاجه امي مرضت وهي للي ترافقني عشان هي راحت قبل وتعرف
كل شي
وقلتلها ياامي والله لو اشيلك فوق راسي انا مستعده بس تروحي معي وربي انزلها الشفاء
باليوم اللي بعده ومررررره استانست
وبعدها جاتني مشكله بالمبلغ وربي الامور انفرجت وحصلت مبلغ وبعدها اخوي اللي
مفروض يروح معي كمحرم اجاه قبول من الحرس السلطاني وكان موعد الامتحان باليوم
اللي اروح فيه العمره ورحت وأجألت الروحه للعمره كم يوم بس
بعدين خبرونا ان السفر للسعوديه ممنوع عشان المرض الللعين
قلت والله انا مسويه نيه وبروح ومايهمني شي
والله يااخوات كانت اجمل ايام حياتي
ومااكذب لو قلت اروعها لأني كنت قريبه كل القرب من رب العالمين
ودعيت ربي يشيل روخي من بعد هالتوبه ولا ارجع للحياه الفانيه
بس لكل شي حكمه بهالكون
المهم انا رجعت والحمدلله
من رجعت وايد تغغيرت وبشهادة الكل
لا اغاني ولا غيره
بس
من رجعت تركت خطيبي عشان مشكله بسيطه وبعدها بدأت المصايب
تتحاذف علي من كل جانب والله افلست يابنات والمصيبه الكبرى اتهامي من قبل الشركه اللي
اشتغل فيها اني في مبالغ ناقصه
تقولوا شو سويت وشو قلت
ماسويت شي بالعكس ابتسمت ودعيت وقلت ان لله وان اليه راجعون
والحمدلله رب العالمين
هذا قضاء الله وقدره ولازم اصبر هذا ابتلاء والله مايبتلي الا اللي يحبه
ودامه من رب العالمين مااحلاه والله راضيه
انا صح قلبي مثقل من الهموم والغم
بس بصبر وبصبر حتى يجعل الله لي فرجا
دام هذا يغسل ذنوبي وسهوي وغفلتي
ماابي غير دعاءكم يالغوالي
بجنه عرضها السموات والارض ويقيني من النار
ويشيل همي وفرجي
