عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هذه اطول قصيدة كتبتها في حياتي ارجو منكم الصبر على قراتها لانها طويله جدا وهي عن غلاء المهور :
قالو ا له ربعه علامك ماتزوجـت للحيـن قـال ودي بـس ويـن تكاليـف المهـر
قالو معقوله مـا عنـدك ماتحملـه اليديـن قلت وين اللي بتقبـل فـي هـذا العصـر
انا جربت وقلـت باكمـل نصـف الديـن وخطبت وقالونفكـر بكـره علينـا تمـر
رحـت علشـان اسمـع الـرد اليقـيـن قال ابوها انت مـا تقـدر علـى المهـر
قلـت قولـو اشروطكـم وربـي يعـيـن يرزقنـي اجهـزه سبحـانـه المقـتـدر
قال المهر كبيـر قلـت ثلاثيـن اربعيـن قال مئه وجنبها ثلاثه من الصفر (مئة الف)
شهقـت وقلـت هــذا امــر يشـيـن ووقفت فـي حلقـي غصـه عيـت تمـر
قال هذي البدايه هذا المهر وفوقه الثميـن واللـي يبـي يتـزوج عليـه بالصـبـر
اسمـع بشـت لـي واثيـاب ومسبحيـن غيـر المئـه اللـي فـي جيبـي تستقـر
وتوابع البيـت مـن اغـراض ومواعيـن وابـي سيـاره مـن السيـارات الحمـر
وحـق اخوهـا سيـارة جـيـب2004 ولاتنسـى التذاكـر علـشـان السـفـر
وجات الام علشان تقول اشروطها:
نبقى بيت حق بنتنا فـي شـارع الستيـن وحديقه كبيرة واثاث فخـم مثـل القصـر
نبقى تحط شبابيك كبيره عليها ستارتيـن علشان عيـون بنتنـا يعورهـم السفـر
نبقـى دش دولـي مـو بـو محطتييـن نبقى اللي فيه ترقص اللي تغني واللي تعفر
وحق خواتها ذهب يكيدون به الحسوديـن من اساور وخواتم في الاصابـع العشـر
ولاتنسى العرس في فنـدق يسـر العيـن والطقاقـه تطـق لـيـن اذان الفـجـر
نبقى نعزم كل اهلنا البعيديـن والقريبيـن وتنزل في الجريـده للـي يبـي يحضـر
واللنبات في كل الحـاره وانتـو ماشييـن ماتطفونهااسبـوع حتـى فـي الظـهـر
والذبايـح كـل يـوم تذبحـون عشريـن في العشاء عشـر والغـدء بـس عشـر
ولا تنسى تقضـون شهـر العسـل ويـن في أي بلد اوربي او امريكا اوحتى مصر
ولازم امك تعطي بنتنا هديه مـن الزيـن ولا تبي بنتنـا فـي صباحيتهـا تنقهـر
لازم خواتـك كلهـم بهداياهـم بارزيـن بالهدايا السنعه مو كأن بنتنا منهـم تطـر
لازم تمشي بنتنـا كـل خميـس واثنيـن وطبعـا الاجـازه تقضونهـا فـي سفـر
واهم شي الطرحة تسحب وراها متريـن يا بخمسين الف ولا ما تساوي ولا تعتبـر
والمكياج من الماركات لـو هـم غاليـن علشان تطلع بنتنا قدام الناس مثل القمـر
والاقمشه من كـل شكـل ولـون اثنيـن والجزم على لون الفساتين بالطلب والامر
نبقـى فساتيـن وشنيـلات وبونطلـيـن علشان عيونك عن بنتنا ابـدا مـا تـزر
والحلاوة اما من انجلتـرا او الارجنتيـن ولا تبقينا مثل بعض الناس نحط لبن وتمر
وسيارتك هذي غيرها علشان يكمل الزين بنتنا تستحي بسيارتك فـي السكـه تمـر
ترى بنتنا عمرها مـا غسلـت مواعيـن ولاعمرها غسلت حكوكه من قـاع قـدر
فهي تبي شغاله من اندنوسيـا او الفلبيـن علشـان ماتتعـب بـس جالسـه تامـر
وسواق علشـان مـا تحتـاج لموزييـن يوصلها السواق وين ماتبي بسهوله ويسر
نبقى مصـوره تصوركـم انتـم الاثنيـن ووحده على الباب علشان متدخل ولابزر
وبقيـت انسـى لازم تشتـري دبلتييـن علشان بالمرة يكتمـل الجهـاز والمهـر
قالت الام :
باقول لك عن بنتنا شي لنكون خالصيـن باقولك عن اخلاقها وطباعها وانـت حـر
هي مو كبيره عمرهـا قريـب العشريـن واخلاقهـا حلـوة وعليـهـا ينصـبـر
هوايتها السباحه والجري علـى الرجليـن والسفر للخارج وتحـب جمـع الصـور
ترى بنتنا تحـب واحـد مـن اللاعبيـن بس هذا طبعا شـي مـا يهمـك بالامـر
تراه بالمباريات والكوره مـن المغرميـن وتشجع من نوادي السعوديه نادي النصـر
تحب تسمع اغانـي وموسيقـى وفنانيـن واشرطـة فديـو تسهـر عليهـا للفجـر
ترى بنتنا عاقله ما هـي مـن المجانيـن بس لما تزعلها تخليك مثل اليمونه تنعصر
تراها خوافه لاتقول لهـا جـن وثعابيـن ولا تقـول لهـا مـوت وعـذاب قـبـر
تراها مـا تعـرف تسـوي رز وعجيـن علمناها بيضه مسلوقه وتعلمـت بالعسـر
تحب كل الفواكه ماعـدا المنجـا والتيـن تحب كل الخضروات ماعدا الباميا والجزر
معقدها من الدراسه الرياضيـات الشيـن والانجليـزي دايـم يجيـب لهـا الكـدر
والفيزيا اللي مـا تعـرف فيـه حرفييـن والكيميا اللي اهـي وربعهـا فيـه بقـر
اختـارت لعيالهـا اسميـيـن حلويـيـن البنت اسمها رهف والولـد اسمـه بـدر
قال الخاطب :
قال الخاطب ويـن بـاب الشـارع ويـن قال له ليش قال علشـان انحـاش وافـر
قال الخاطب انا ابقى انسانه صاحبة ديـن ابقى من تصبر علي في الشـده والعسـر
انا ابقى وحدة قلبها مملـي ايمـان يقيـن وحده ما تمشي وراء موضات هذا العصر
وطلاباتكم هذي اجيبها لكـم مـن ويـن انا على طلاباتكم الكثيـرة مانـي مقتـدر
اللي طلبتـوه منـي ما يكفيـه مليونيـن مايكفي لو اني اجمع فيه من يوم اني بـزر
لو اجمع معاشي من اليـوم ليـوم الديـن ما جيب اللي تبونه لو اعصر عمري عصر
كل هالمصاعب ونلـوم الشبـاب بعديـن اذا ا نحرف دام الحـلال صعـب عسـر
ودرب الحرام مـا يكلفـك الـف والفيـن والبحرين قريبـه للـي مضطـر للسفـر
ليش ما نسهل الزواج للشبـابالمتقدميـن علشان نصلح شبابنا ونعيـش فـي طهـر
من نشوف فيه الاخلاق الحسنـه والديـن ليش ما نرضى فيه ونخليه يضطر للسفـر
المهم يقدر يعيش بنتك في سعادة سالميـن ويقـدر يحججهـا ويخليهـا بعـد تعتمـر
في النهايه صلاة ربي مظهر هـذا الديـن النبي محمد اللي طلعته مثل طلعـة البـدر
