عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
يابنات بقولكم مشكلتي وعطوني آراءكم بس رجاء أبغى منطقية وجدية مابغى تريقه ترى تعبانة حدي والله يعلم وش حدني على المنتدى/
انا متزوجه صارلي سنة وشوية
رزقنا الله بمولوده وتوني طالعه من النفاس
زوجي يحبني لكنه فالغالب مهملني وجاف الى حد كبير
)الا في اوقات معينة ) وبعدين يرجع لطبعه كله شغل فشغل واذا جا البيت بس مستغرق مع التلفزيون ولايحب ادخل معه في سوالف
كلمة ورد غطاها
وهو قبل الزواج صارحني بأن كان له علاقات قبل
وهذا اللي مو قادرة انساه
مع انو وعدني بأنه يتوب خلاص أنا وبس !
لكني بصراحه أشك فيه مع اني مالاحظت عليه شي حتى تلفونه دايم مفتوح ولا عنده مشكله
لكن الطامه الكبرى ؟
مرة فتحت شنطته الخاصة اللي هو معطيني رقمها السري
وفرجني كم مره على صور قديمة له موجودة فالشنطه
ومرة رحت انا من وراه نبشت فيها لقيت البوم صغير ماسبق فرجني عليه !!
ما أدري حسيت قلبي عورني وخفت لاشوف شي يضايقني 🙁
صدقوني مافتحته رجعته وقفلت الشنطه (
لكن ظليت متضايقه وابليس وسوس لي ورجعت في مرة ثانية وفتحت الالبوم 🙁
وليتني مافتحته !
لقيت صور لزوجي مع بنات من جنسيات مختلفه
وفي أجواء منتنه وحواليهم قزايز خضرا مدري وش تطلع ؟
وش توقعتوا اسوي ؟
اصارخ ؟اكسر الدنيا ؟
سكت وغصه في حلقي
وشققت الصور وأخفيتها /
وجاني مبتسم (يدور الغدا)وقابلته بابتسامتي المعهوده
وفي قلبي نار موقده
وش تنصحوني يا اخواتي ؟!
آسفه على الإطاله _مما في قلبي_
