عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انهرده جبت لكم اكله جديده انا شفت الشيف شربينى بيعملها فى التليفزيون من فترة وامبارح جربتها
الفراخ المحشيه بالطريقه التركيه
المقادير
فرخه
كسبرة
بصله مقطعه صغير
كوبين رز
ملح وفلفل
الطريقه
حضرى الفرخه واقسميها بالطول
اخلى الفرخه من العظم ماعدا عظمه الكتف للعلم سهله
وخصوصا عظم الورك تعالى على العظمه وشقى فوقها بالسكين هتلاقيها ظهرت قدامك اخلى حواليها بقى
مش مشكله لو العظم طلع فيه لحم عادى بعد ما تخلصى ابقى شيلى اللحم اللى على العظم ومش ترميه ممكن تعينيه تعملى بيه اى حاجه بعد كده كفته او شاورما او فى مكرونه نجرسكو
خلينا الفراخ بقت بالشكل ده
انقعيها فى ميا وملح وليمون بقى وسبيها
فى معلقه سمنه او معلقتين زيت حمرى البصل بس مش تخليه يبقى غامق يدبل بس
اغسلى الكسبرة وقطعيها مفرومه وحطيها على البصل وشوحيها شويه
ضيفى الرز وشوحيه شويه مع البصل والكسبرة وبعدين ضيفى له ملح ابيض وحطى عليه ميا وسبيه يستوى
لما يستوى الرز افردى الفراخ ورشى عليها فلفل اسود وملح وحطى الرز وسطها ولفيها
مش تزودى الرز عششان تنفع تتلف ولفيها بعدها فى ورق فويل
اسلقى الفراخ وهى فى الفويل على نار متوسطه لحد لما تستوى
لما تستوى شليها وافتحى الفويل وحطيها فى صينيه
ودخليها فرن حرارته متوسطه لمده 10دقايق لانها مستويه اصلا وعشان الرز مش ينشف جواها وبعدين شغلى الشوايه عشان تحمر
خرجيها وقدميها مع الرز الباقى
بالهنا والشفا
