عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
حبيباتيالفراشاتالغالياتاليوم عندنا اكلة حلوة وسهلة
::::::::::::::::::::::::::::::::::::::::::::::::
ان شاء الله ح نعمل فراخ مشوية بطريقة الزجاجة ومكرونة بالبشامل على طريقة ملوكة
وسلطة خضراء
والحلو …. حلا المانجو
:::::::::::::::::::
اولا الفراخ المشوية بطريقة الزجاجة
:::::::::::::::::::
بحضر تتبيلة عبارة عن بصل مفرومناعم وملح وفلفل اسود وليمون
واغسل الفراخ كويس وادعكها بالتتبيلة دي واحشيها بيها من جوة
احضر زجاجات الكوكا كولا واغسلها واملى نصها مية وارصها في صينية واحط في الصينية كوباية مية
ولما ادخلها الفرن كل ماتنشف المية اللي في الصينية ازودها تاني
اخد كل فرخة منهم والبسها في الزجاجة بالشكل ده
وادخلهم الفرن واسيبهم براحتهم خالص لحدما يتحمرومن جميع الجهات
وده شكلهم وهما في الفرن
ومرضتش احرمكم من المنظر الشاعري ده
وده شكلهم بعد ما خرجو بالسلامة
:::::::::::::::::::::::::::::::::::::::::::::::::: ::::::::::
ثانيا : مكرونة بالبشامل على طريقة ملوكة
نص كيلو لحمة معصجة
مقدار من البشاميل
كيلو مكرونة بن مسلوقة
::::::::::::::::::::::::::::::::::::::::
عصاج اللحمة
نحمر بصل
ونضيف اللحمة والبهارت والملح وشوبة مية ونسيبهم يستوو مع بعض
البشاميل
مقاديره
كوب دقيق
لتر ونص حليب وبفضل نيدو
كيس مرقة دجاج كنور
علبة جبنة كرافت مبشورة
ملح وفلفل اسود
سمنة وزيت
بطريقة البشاميل العادية
نحمر الدقيق في معلتين سمنة وشوية زيت وبعدين ندوب الحليب والمرقة ونضيفهم عليها وبعدين اضيف الجبنة والملح والفلفل واقلب بمضرب سلك لحد ما يتخن
اجيب صينية واحط فيها شوية بشاميل
اجيب حاجة واحط فيها نصف كمية المكرونة واخلط عليها كمية من البشاميل
احطها في الصينية
واحط كمية من العصاج وارش فوقها كمية من البشاميل
واخلط كمية من البشاميل على باقي المكرونة وافردها طبقة تانية
واحط باقي البشاميل على الوش
وده شكلها بعد ما تتطلع
وطبق سلطة خضراء حلوووووووو
::::::::::::::::::::::::::::::::::::::
حلا المانجو
اجيب باكو بسكوت سادة واطحنه في الكبة مع حتة زبدة حلوة ومعلقة سكر ممكن كمان ملعقة قشطة عشان تمسك كويس
واحطهم في قارب واضغط عليهم
اعمل نص لتر عصير مانجو في الخلاط عادي بس يكون تخين
واحط عليه كيس كريم شانتيه
اجيب كيسين جيلي مانجو او اناناس وادوبهم في كوب مية سخنة
اضيفهم على العصير واضربهم شوية
وبعدين اصبهم فوق البسكوت
ادخلها التلاجة ولما تتطلع قطعتها بقطاعة على شكل وردة وحطيت كل وردة في ورقة بيليسيه
لو عايزة تزوقيها من فوق بطريقتك
لك مطلق الحرية
وبالهنا والشفا
اتمنى تجربوها وتعجبكم
وفي انتظار ارائكم
وانتظروني في وصفات قادمة ان شاء الله
