عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
اليوم صارلي موقف بالكليه
انا قبل شوي جايه من الكليه كان عندي اختبار قرامر
الهم اثناء الاختبار كان فيه طالبه بكرسي بجنبي فاتحه جوالها الايفون وحطاته بحضنها ومصوره الكتاب وقاعده تنقل الاجابات يعني تغش
انا بصراحه انقهرت وحقدت عليها موب عليها هي انا مابيني وبينها شيئ حقدت عليها
لانو وش ذنب الطالبه اللي تقعد تذاكر وتكرف وتتعب ومتعبها نفسها واحيانا ماتجيب درجات كويسه
وطالبه تغش وتاخذ الدرجات برااااااحه انا هنا انقهرت قلت يعني اشلون يعني انا اتعب واذاكر وهي حضرتها تاخذ الدرجه بارده مبرده بدون تعب ولا شيئ استنيت قلت يمكن المراقبات ينتبهون لها مافيه فايده قلت يمكن البنت تستحي على دمها وتخاف من الله وتبطل برضه مافيه
بصراحه قلت مانيب ساكته لاغير اعلم عليها وفعلا وش سويت كان معي كوفي واخذت ورقه عازل حراره في كوب كوفي وكتبت عليها العباره التاليه :
( البنت اللي بجنبي فاتحه جوالها من اول الامتحان ولابسه اسود )
وناديت وحده من المراقبات وعطيتها الورقه اخذتها وقرتها بعدين جت لم البنت ووقفت عندها وشوي قالت لها المراقبه اشوف وش فيه بحضنك واخذت جوالها
طبعا من حسن حظ البنت انها مخلصه الحل وكانت فاتحه على صوره غير منج الاختبار
وتحلف بالله كذب تخيلوووووووووا الحلف بالله كذب بالوقت هذا صار مثل شربه المويه
انا شفتها والله شفتها انها نقلت الاجابات وشفتها يوم كتبت الكلمات بالجدول من الجوال
مصيبه وتحلفين كذب بعد !!!!!
بعد الامتحان جت عندي ولسوء حظي شافتني يوم عطيت الورقه للمراقبه
جت عندي بكل وقاحه وقوه عين قالت شوفي انا ماصار لي شيئ وطلعت منها مثل الشعره من العجينه
بس شوفي اذا انتي فعلا انك انتي معلمه علي فالله لا يسامحك ههههههههههههههههههههههههههه
الله لا يسامحني على ايش يا كذابه يا غشاشه الله لا يسامحني اني بلغت عن منكر الله لا يسامحني اني قلت للمراقبه انك تغشين فعلا ناس مزعت الحيا ولا عاد تستحي
بنات اش رايكم بالموقف
