عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اتحملو اذا شميتوا ريحة بصل او ثوم هههههههه
موضوع فكرته حلوه كثير وحبيت نشارك فيه .. واتمنى يعجبكم وننبسط كلنا فيه حنعزم نفسنا في مطبخ احدى الفراشات وحتطبخ لينا اي طبخه تعرف تعملها .. اهم حاجه تعمل لينا حاجه عايزين نطلع مواهبكم في الطبخ ….فكرة الموضوع ..
* ح نختار احد الفراشات ( راح ندخلها المطبخ )
* العضوه اللي نختارها تختار لنا اكله على ذوقها وتعزمنا عليها
* طبعا الطبق اللي ح تقدمه العضوه ح يكون مصور !!ولازم تكتب لينا المقادير والطريقه ..
* بعد ما يخلص العضو يختار لنا عضو ثاني علشان نعزم نفسنا عنده ……وهكذا
الهدف تعزيز الثقة في قدراتنا المطبخية
تفجير إبداعات الفراشات المكبوتة
أكتشاف طباخات جدد للمستقبل
ويارب تعجبكم الفكره
مع تمنياتي لكم بقضاء أمتع الأوقات في مطبخنا المتواضع
..المقادير:
-سمك منظف ومشقوق شق صغير من البطن(أنا أستخدمت الدنيس)
-تتبيله الثوم واللي هستخدم منها فكذا وصفه وهي عباره عن(ثوم مدقوق+شطه ناشفه حراقه+كمون+ملح+عصير ليمونه)
-ربع ك زيت+ م ص ملح + عصير 3 ليمونه”ممكن أكتر لو تحبي”
-نص م ص كركم
..الطريقه:
-تعمل شقوق في السمكه من الخارج ..وتتبل السمكه من الداخل وفي الشقوق بتتبيله الثوم ثم تدهن بالكركم من الخارج
-يرص السمك في صينيه ثم يضاف له ملعقتين من خليط الليمون والزيت ويدخل الفرن علي نار عاليه نوعا وبعد أن يتشربها السمك يضاف له كميه أخري من العصير وهكذا ..ثم يحمر فالشوايه ويقدم مع أرز صياديه أو أرز أصفر..
السمك الصيدية 
…المقادير:
-سمك منظف ومقطع أجزاء بالعرض(أستخدمت القاروص)
-بصله متوسطه
– ربع ك عصير طماطم(أكلتي لفردين فقط)
-ليمونه
-ملح وكمون وشطه
..الطريقه:
-تحمر البصله فالزيت حتي تتحول للون البني(مش تتحرق يعنيلأن في ناس بتحرقها فعلا وده طبعا غلط)
-ترفع البصله من الزيت وتوضع في الخلاط ويضاف لها كوب ماء وتضرب
-تصب مره أخري في أناء التحمير ويضاف لها عصير الطماطم وعصير ليمونه وملح وكمون وشطه خفيفه
-تترك تغلي علي النار وعندما يثقل قوامها يضاف السمك ويترك لينضج
الطبق الثالث
السمك السنجارى 
..المقادير:
– سمك منظف (أستخدمت البوري)وهنا أستخدمت طريقتين لشق السمك فقمت بشق بعضهم طوليا من الرأس “كنت كلتها فـاسكندريه وعجبتني وشفت أم شادي الله يبارك فيها عملتها فالمنتدي” وطريقه تانيه وهي اللي كنت بعملها قبل كده كنت بنظف السمك من فتحه الخياشيم من غير عمل أي شق فبطن السمكه
-طماطم وبصل مقطع مكعبات
-تتبيله الثوم
-عصير ليمون
..الطريقه :
-يدهن السمك المشوق بتتبيله الثوم والغير مشقوق يتبل من الداخل
-يرص خليط البصل واالطماطم علي السمك ويحشي ببطن السمكه الغير مشقوق
-يرص في صينيه مدهونه زيت ويرش بالملح والكمون وعصير الليمون ويرفع علي نار أو يدخل الفرن ويحمر
الطبق الرابع
السمك المشوى
..المقادير :
-سمك بوري أو أي نوع تفضليه
-رده (نخاله الدقيق)
-ملح وليمون وشطه يرش بهم السمك بعد الشوي ولو السمك صغير زي السردين يفضل أضافه الماء للتبيله
..الطريقه:
-يرش السمك بالرده ويرفع علي صاج ساخن أو يدخل الفرن ( وأنا بشويه فالفرن علشان كده مش بعرف أصور الخطوات)
-يقلب علي الجانبين ثم تهدأ النار حتي يجف ماؤه لو حجم السمك كبير
-يخرج من الفرن ويرش فورا بالملح والليمون والشطه ويغطي جيدا جداااا
الطبق الخامس
السمك المقلى 
طبعا ماشاء الله كل الناس عارفه طريقته بس ساعات ناس بتسأل بالتحديد عن الطريقه الدمياطي ودي طريقتي أنا شخصيا ويارب تعجبكو
..المقادير:
-كميه سمك حسب العدد(أستخدمت سمك موسي)
-تتبيله الثوم
-زيت للقلي
-دقيق للتغطيه مضاف له بيكنج بودر
..الطريقه:
-يتبل السمك ثم يترك ساعه علي الأقل ثم يغطي بالدقيق
ثم يدخل الثلاجه من نص ساعه لساعه ثم يحمر في زيت غذير
الطبق السادس
صينيه السمك بالصلصة 
-سمك منظف ومقطع أجزاء(أستخدمت القاروص)
-عصير طماطم
-بصله متوسطه
-ملح وفلفل وكمون
-عصير ليمونه
-بقدونس مفروم
..الطريقه:
-تقطع البصله ناعم وتحمر في زيت خفيف
-يضاف عصير الطماطم والملح والتوابل وتترك لتغلي
-يضاف السمك وعصير الليمون ويترك لينضج
-يرش البقدونس ثم يدخل الفرن للتحمير
ده اللى قدرت اعمله من خلال مطبخى المتواضع يارب ينال اعجابكم
اتفضلوووووووا يافراشاتنا ياغاليين السفره جاهزه
الاكل اهو سخن والدخان طالع منه
ويارب يعجبكم وبالهنا والشفا
ونقول مع بعض كلنا
بسم الله الرحمن الرحبم
ودلوقتى انا باختار اختنا العزيزه فيرونا
وتقدم لينا اكله من ايديها الحلوه
وهى بدورها تختار الفراشه التالته لتقدم لينا اكله من مطبخهااااا
والسلام عليكم ورحمه الله وبركاته
