فرحة عمري…

مرحبااااااا خواتي صراحة وحشتوني ووحشني المنتدى انا كتبت معاناتي مع الحمل والهجوله الي مريت فيها الحمدلله على كل حااااااااااال جتني فتره مليت من المستشفيات والعلاجات ووقفت ودعيت ربي انه يرزقني بالذرية الصالحة وماارجع السبب لاي جهة اخرى الا لله عز وجل التزمت بصلاة الوتر والاستغفار وصمت الحمدلله العشر الاوائل من ذي الحجه اول مررررره بالعاده اصوم عرفة بس ..قراءة القرآن وصرت اشرب الزنجبيل مع المويه كل مااعطش اشرب منه سافرت لااختي وكانت تعرف حرمه تمرخ كلمتني عنها واقنعتني اروح تمرخني وكنت مخلصه الدوره من اسبوعين مرختني المهم جاء الشهر الثاني نزلت الدوره يومين ووقفت الشهر الثالث ماجتني الدوره قلت اروح احلل عشان بعد التحليل تنزل الدوره وبعد عشن علاج الحرمه بستعمله والنتيجه الي ماتوقعتها ولا جت على بالي لاني كم مرررررره حللت حتى بعد التلقيح الصناعي مافي حمل انِ اكوووووووون حـــــــــــــــــامل بعد 13سنةماصدقت احس اني اجمدت مكاني اشوف الفرحة بعيون امي والدموع ماليه عيونها من الفرحه انا فرحانه بس ماني مستوعبه… سويت تصوير مرتين النتيجه في حمل … التزمت الراحة امي الله يخليها كل شي تسويه ماخلتني اقوم كان ينزل مني شوية بني خفيف وشوي يوقف يوم جونا ضيوف قمت تحركت شوي تعرفون لازم الوقفه خاصة مافي عندي الا امي وصعب اخليها لوحدها تباشر .. ثاني يوم بدأ ينزل دم شوي وشوي يزيد بدأت انزف رحت ع المستشفى كشفوا بالجهاز الحمدلله الجنين موجود وتمام والرحم مقفل… ثاني يوم اخذوا تحاليل عشن يشوفوا سبب النزيف زاد علي وبدأت احس بالام ونزلت مني قطع دم والله فعلا تعبت خلاص نزل الجنين وصرت اسمع كلمة الله يعوضك خرجت من غرفة الكشف مااشوف الي قدامي حمدت الله وقلت اللهم أجرني في مصيبتي ، واخلف لي خيرا منها، والحمدلله على كل حاااااااااااااااال