فرط الحركة

السلام عليكم..

ولدي عمره 3سنين و4شهور ومن بدا يمشي وانا أعاني منه بسبب فرط الحركة وعدواني مايجلس ابدا ولو لخمس ثواني واندفاعي ولايقدر الخطر لدرجة أن السيارة صدمته مرتين ولا يخاف من أحد ومستعد يروع مع الأغراب وبس يخرب والله اني أعاني منه 😡 ولا اقدر اخذه للناس يفشلني ولدرجة ان أهلي مايبغونة وحتى الروضة طردته مع أنها مدرسه أهلية.. و احيانا أربطه واحبسه…وقبل 4 شهور وديته لمستشفى الحرس واعطوه شراب لكن مافي فايده وبعدين اعطوه حبوب بس برضه مافي فايده وقالو لي لازم مع العلاج الدوائي علاج سلوكي فهل أحد يعاني نفس المعاناة..واذا تعرفون مدرسة خاصة اومعلمة فالبيت تكون اسعارها معقوله لأن ماعندي قدره ماديه… ياليت تساعدوني والله اني احيانا اقعد أبكي منه واحيانا اضربه ضرب شديد بعدين اقعد ابكي واندم لكنه يطلعني من طوري بخرابه والحين يغار من اخته 4 شهور ويضربها..والله اني تعبت ماادري وشلون اتصرف معه لاالشده ولا اللين ينفع معه مع العلم ان معه.. صعوبه في النطق..وحتى اني عطيته قراية وقريت عليه بس برضه مافي فايده..اللي تقدر تساعدني ترد علي واللي ماتقدر تدعيله بالهداية..والله تعبت معه.. ❗ 😥