عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته..۔
طبعاً مثل مو مبين بالعنوان ..۔ عندي فساتين من تصميم فنون وعاد شغلها مايحتاج نظيف وثابت والفصوص اللي تحطها فالفستان كلها شوارفسكي واللي من جده تعرف أكيد شغلها وأسعارها كمان.۔
والمقاس اللي عندي منها سمول يعني يلبس في الخمسينات يعني 55 وحولها تقريبا طبعاً حسب جسم كل وحده فيه ناس عظمتها عريضه وفيه ناس العكس بس أنا بأحط المقاسات بالتقريب .۔
والفستان فيه كذا خامه تل وقش وجلد ومعدن مشغول بالرسم وتصميمه مره غريب ومميز۔
الفستان الثاني مديم يلبس تقريبا إلى وزن 65 وألوانه ذهبي وقطيفه عودي مشغول ومطعم بالكرستال والفصوص فخم بمعنى الكلمه ومعاه شنطه واكسسوار مفصله معاه.. انلبس تقريبا 2 أو 3 .۔
الثالث مقاس لارج يلبس يمكن من 70 إلى 80 تقريبا ألوانه غريبه وفيه كذا خامه شنطون لونه مو أصفر ولا أخضر فاتح يعني بينهم مره اللون حلو يمكن يوضح بالصوره ودانتيل فضي وقطيفه على تركواز ومشغول بالكرستال الشوارفسكي
انلبس مرتين بس.. يمكن كلها على بعضها ماتجي 6 ساعات كلفني 5000 بس خياطه بدون الأقمشه
طبعاً يابنات أفضّل اللي تطلب تكون من جده أو منطقه قريبه زي مكه أو الطايف مثلاً يعني يمديها تشوف الفستان عالطبيعه وتحكم ..۔
أنا ماعرضت الصور للخصوصيه أكيد اللي حابه تشتري ماتبغى أنه قطعتها تكون معروضه ..۔ اللي حابه تشوف الصور تراسلني عالخاص ..۔ وصدقوني عالطبيعه أحلى بكثير
أكيد نفس الجمله المعتاده((((((للجادات فقط )))))) رجاءاً يابنات
