عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا صبايا حلوين
عندي فستان اسود جديد شريته يوم الخميس لمناسبه يوم الجمعه والمناسبه جدا بسيطه زواج عائلي تقريبا بس حصل لي ظروف ومارحت للاسف ربي يوفقهم
الفستان شريته ب380 ريال
بنزل ال80 وللبيع ب300ريال فقط
مقاسه 14 لارج وهو استرتش مره حلو قماشه بس انا ضوقته لمقاس 12 وبرضوه واسع علي شوي يبي له تضويق من عند الصدر انا وزني 60 يعني اللي سمول تقدر تضوقه بسهوله او ميديم او لارج واللي فوق ال60 حدود 65 او 70 بس طويله ممكن تفك الخياطه وهو يتمدد استرتش المقاس مامنه خوف
هو بدون اكمام ومعه شال وكنت ناويه اركب فيه اكمام من الشال جبنيز بس ماحصلي
بالصور مو واضح مره بس هو ساده استرتش وتحته ترتر لمعه اسود يبرق يجنن بالنور من وراء للفخذ ترتر ضيق ويبدا يتوسع طايح وع الجسم واااااااااااااو وينحف
ومن قدام فيونكات مربوطات وطالع من تحتهم الترتر
ومن الصدر من فوق شوي طالع الترتر
روووووووووووووووعه ع الجسم
رجاء لايراسلني الا الجاده واللي فلوسها جاهز وناويه تشتري وربي يرزق ويوفق الجميع يارب
الشحن بزاجل او اي شركه تحبين وانا من حايل والتحويل لبنك الراجحي او الرياض
الصووووووووووووووور
احفظو الصور وكبروها بتشوفونه جدا واضح الموديل من الامام
الصدر من قريب لجل توضح حركة الفيونكات الربط
وهنا من وراء ساده ترتر للفخذ وتحت شوي وبعدين ساده استرتش واسع روعه
اتوقع كل شي واضح اللي تبي شي تراسلني وتبشر بعزها
واللي مايعجبها ترفع الموضوع بدعوه حلوه من قلبها ولها بالمثل بأذن الله 😆
