عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اليوم رح أعرض لكم الفساتين اللي لبسوها أخواتي في ملكتي
لبسو نفس الموديل واللون بس الاختلاف في لون التطريز
اللي رح أعرض صوره دحين ( أسود والتطريز موف + ألوان أخرى )
والثاني اللي باقي ماصورته ( أسود والتطريز تركوازي مخضر + ألوان أخرى )
المقاس/ 8 يعني ميديم بس ممكن يلبس سمول ولارج لانه يتمط
القماش / دانتيل أسود يتمط والبطانة جرسيه تتمط يعني يتشكل حسب الجسم
الموديل / سمكة × طاووس << خير حشا حديقة حيوانات مو فستان ههههههههه
مكان الشراء / جدة مول الدور اللي فوق بس ناسية اسم المحل
سعر الشراء / 1500 ريال
سعر البيع / 600 ريال فقط مع إنه لبسة واحدة ونظيف وجديد بس حنبيعه بأقل من نصف السعر
المدينة / جدة والتسليم يد بيد واللي حابة تجي عندنا في البيت عشان القياس والمعاينة تتفضل
طبعاً ماحاقول لكم قد ايش الفستان رائع في اللبس بس التصوير ظالمه وقد ايش كان مميز وكل الناس سألو اخواتي من فين جابوه .۔ الصور تتكلم
بسم الله نبدأ
الصدر
زوووم ألوان التطريز والدقة في الشغل
طبعاً صور بفلاش وصور بدون فلاش عشان يكون واضح بكل الطرق
في صور بعد شوية وأنا معلقة الفستان بالعلاقة شكله ماله داعي هههه لأنه يتمط يعني قماشه مو واقف صار باين كأنه يخلي الجسم قطعة وحدة مافي تقسيم ولا تخصير ولا يحزنون .۔ وانا ماعندي مانيكان للأسف عشان كدا سدحت الفستان عالسرير وحشيته شراشف على أساس يصير كأنه جسم ويبان الموديل مزبوط فلا تضحكو على فكرتي الشنيعة هههه
يعني شوية باين التخصير أفضل من الصور القادمة اللي بالعلاقة بس مضطرة احطها عشان يبان الفستان كامل
على فكرة الكرانيش عبارة عن تل مقصقص وملون نفس ألوان تطريز الصدر اللي شكله مثل الدمعة << ماتعرف توصف خخخ
يعني لاتحسبو الكرانيش ريش طاووس وتشيلو هم الغسيل
هذا من الخلف نفس الكرانيش المقصقصة بس اللون اسود عشان لايصير زحمة والخلف اطول من الأمام يعني ممكن نقول عنه ربع ذيل
وهذا الشال جديد في الكيس ماانلبس اسود تل
وبس .۔ انشاء الله في دي اليومين احط صورة وحدة عالأقل للفستان الثاني هو مثله بالزبط بس التطريز تركوازي مخضر والكرانيش بدال اللون الموف مكانه تركوازي مخضر
ان شاء الله يكون عجبكم .۔ ارفعو لي موضوعي بليز والله اني حامل وطفشانة من نفسي وكل ماادخل على مواضيعي ألاقيها طارت في الصفحة المليون ههههه يعني اللي تعدي عالموضوع تكتب كلمة او دعوة أو فاصلة 
التواصل في نفس الموضوع أو خاص أو زوار أو أي شي بس رجاءاً الجادات فقط
