عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
حياكم الله جميع والله يبارك فيكم
انا اليوم حبيت أعرض فستاني وهذي معلومات عنه وبعرض كذا صوره له وان شاء الله يعجبكم
والفستان ينفع للي يحبون الأناقة والنعومه بالفستان واللي ملوا من الشكوك والفساتين الثقيلة
ستايل الفستان نعوووم وأنيق مـرره وباللبس طبعاً احلى بكثير وانتوا تعرفون ان الصور تهضم حق الفساتين عموما
والا باللبس الكرستالات مررره تلمع مثل النجف لأن كلها سوارفسكي موج بدرجاته ويعطيك انعكاسات حلوه مع الإضاءة حاولت ابينها بالصور ما ضبطت معي لكن اللي بتآخذه ان شاء الله بتشوفه بالطبيعة وتحكم عليه
قماشه من استرتش ومبطن بجرسيه واللون أوف وآيت والمقآس M & L والحزآم صاير على تفتة وشيفون درابية خفيف وعليه قطع ملونة ( فيروزي ’ توتي ’ ليلكي ’ زمردي ) بس للاسف مابانت بالتصوير ومرصعه كلها بكرستالات سوارفسكي وفيه قطع كرستال موج غآمق
للأمانة الفستان جديد لبسته مره وحده بمناسبة زوآج الأسبوع اللي فات والله الشاهد اني انسألت عنه كثير هذاك اليوم واللي معطيه ميزة ان اللون أوف وآيت وبالكرستالات مبينة فيه مره ومعطيته شكل وثقلت مكياجي شوي وشعري مسويته بوف وويفي خفيف وطالع مع الفستان اسطوره
وأنا ما عرضته الا لأني عارفه اني ماراح البسه مره ثانيه وحرام يقعد كذا لأني ماني راعية مناسبات كثيره
فصلته عند مصممه بالرياض وكلف علي الفستان كآمل بالتصميم والتفصيل والسوآرفسكي 2150 ريال <- هذا بعد الهوشة والمكاسر 
وهذي الفتحة من الخلف
وهذي من عند الورك 
وهذا طرف الكم الفرنسي
والفستان من قدام
ومن الخلف
وهذا الفستان بالحزام
وهذي قطعة من الحزآم
أتمنى يكون وآضح ويعجبكم مع ان الصور مو معطيته حقه
ربي يوفق الجميع لكل خير
ولا تبخلون علي بدعوة حلوه ولكم بالمثل 😡
