فسروووو حلمي الله يسعدكم

رأيت في منامي
اني كنت في بيت جدتي وفي نفس الوقت كنت اخرج من الغرفة حقت الملابس واخرج سيب وادخل غرفة استاذاتي في الجامعه ,المهم ..كنت انا في الغرفة وشوية بيت عمي
داخلين ودخلو الغرفة ,وبعدين جات ماما وقالت يالله اخرجوا من الغرفة عشان كلها عفش وملابس . وخرجنا شويا جاو صاحباتي وقالوا مس الهام تقول تعالوا خذو اوراق الاختبار ..وانا مارضيت ادخل لاني بيني وبين هذي الاستاذة خلاف “حتى في الحقيقة بيننا خلاف ” المهم دخلت بنت عمي تأخذ الاوراق ..ودخلت انا بعدها وطالعت في الاستاذة ومشيت رحت عند بنت عمي ..لقيت اوراق الاختبار ملفوفة وجوتها سندوشتات …طالعت قلت اش هذا ؟اخذتها ومشيت ..شويا خرجت وامي وخالتي مجهزين الفطور ..وكانت الاستاذة جالسة في غرفة لوحدها ..وجلسوا كلهم على الفطور ..وقلت مومن الذوق نسيبها في الغرفة لوحدها واحنا نفطر …رحت عندها الغرفة ..قالت ياستاذة تعالي افطري الفطور جاهز ..وابتسمت في وجهي ..وانا رحت …شويا رحت المجلس وانا راجعه عندهم في الصاله اللي يفطرو فيها لقيت الاستاذة جاية ..ومعاها صحن فيه زي ادوية السكر ..تبغى تحطة على الكنبة ..شويا ماما قالت لي ..فاطمة فيه من الشبس اللي تحبيه في الغرفة ..رحت نطيت من فوق الصحن ورحت للغرفة .. وجبت الكيس وماكان فيه الا اثنين اخذت واحد وخالتي واحد ..
وبس

الحالة الاجتماعية عزباء العمر 19
صار خلاف بيني وبين الاستاذة