فضفــضة اختكم في الله

السلام عليكم ورحمة الله
شلونكم يا فراشات شخباركم ويا الصيف والجور الحآآر ❗
اول مره اكتب موضوع بالمنتدى وبصراحه هي فضفضة مو اكثر
ابي افضفض لكم عشان بس ارتاح من الضيقة اللي احس فيها
احس الدنيا مقفله بوجهي من كل النواحي
اولا شي انا انسانه مؤمنة بالله ومتوكلة عليه عمري 28 سنة
كل صديقاتي وقريباتي اتزوجوا واللي اصغر مني بعد
والله انا حلوه وحبابه ومو مشكله بس اللي ضيق خلقي انه بنات من اقرب البنات لي اتخطبوا بنفس الوقت وهما مو قرايب وهذا الشي متعبني مو حسد او غيـره
لا والله يشهد بس زعلت على روحي لاني باقي ما انخطبت والمشكله اني بهالوقت
بس كله جالسه بالبيت ما اطلع ابد ماكو مكان اروح له يعني خوالي كلهم مسافرين
وما عندي صديقات اقدر اورح ليهم وغير كذا مو مستعده ازور اي وحده من صديقاتي اللي انخطبوا لاني اتضايق عشان روحي وما بنسافر هاي الاجازه بسبب ظروف طرات وما فيه اي مكان اقدر اروحه واهلي ملتزمين بزياده شوي
والله حاسه روحي راح انفجر بس كله تلفزيون او انترنت والله انا ملتزمه ودايما اقراء قران بكل وقت بس يضل فيه وقت افكر فيه بوضي واتضايق مره وابكي بعد
يا بنات بس افضفضف ادري انه كل نصيب وادري بيجي وقت ويجي نصيبي بس
حبيت اتكلم معاكم لان ردودكم تريحني ودايما اقراء ردودكم للبنات وارتاحه منها
ويعطيكم العافيه على الوقت اللي اعطيتوه موضوعي