عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ازيكوا يا فراشات وحشتونننننننني
انا مبسوطة اني رجعتلكوا بمواضيع جديدة اعذروني كانت نفسيتي تعبانة من بعد وفاة جدتي ومكنش لييا نفس ادخل مطبخ ولا اعمل اي حاجة
ندخل عالموضوع
اتجمعنا يوم الجمعة في بيت العيلة وفطرنا مع بعض وانا قررت اني احضرلهم الفطار امبارح وحبيت تشاركوني الفطار ده
الفطار كان عبارة عن بطاطس مقلية بطريقة مختلفة خالص + فول + طعمية بيتي تحفة
يلا معايا عالتفاصيل
البطاطس
بجيب من السوق البطاطس الصغير جدا اغسلها كويس واسلقها وبعد كده اقشرها وده حجمها زي ما واضح في الصورة
هنا بعد ما قشرتها بعد السلق
بقليها في الزيت بعد كده زي ما واضح في الصورة
هنا بعد ما اتقلت وطلعت من الزيت
الفول بالخلطة اللي تجنن بجد طعمها جامد آخر حاجة
هانحضر بصل وثوم وطماطم وفلفل أخضر
اول حاجة نقلي البصلة و فصين الثوم في شوية زيت انا بحب الزيت عالفول اما لو ليكي مزاج في السمنة براحتك يا جميل
بعد كده هاضيف الطماطم والفلفل ويدوب يدبلوا بس
بعد كده هاضيف ملعقة صلصة طماطم
وده بقى الشكل النهائي لطبق الفول يارب يعجبكوا 
الطعمية دي صورتها بس بأمانة مش أنا الي عملاها مرات خالي اللي عملتها وكانت تحفة
وألف هنا ليكوا ويجمعكوا مع عائلتكم دائما في الفرح والخير يارب
