عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ..
شفت المواضيع المطروحه هني و تشجعت اطرح مشكلتي 😉 ..
هيه مو مشكله بس ابي رايكم بالموضوع و وش التصرف الصح ..
اممم.. انا بنت احين في سن زواج و طبعاً كل مرة يتقدم لي شخص ارفضه بحجة اني بكمل دراستي الجامعية ..
و احين كملت دراسة و ما عندي حجة بالرفض ..
و ماما الحت علي تبي تعرف سبب الرفض .. !!
ما عرفت بالبداية وش اقولها .. !!
و لكني بعدين صارحتها .. اني احب شخص وهوه يحبني .. !
كنت خايفة ببداية الموضوع بس ماما كانت متفهمة وايد .. و تقبلت هالشي و قالت تبي تعرف عنه اكثر حتى بابا يسئل عنه وجذي .. و ان هذي حياتي و لازم ابديها صح ..
حسيت باطمئنان من صوب اهلي بس من حبيبي خفت ما عرف اشلون اقوله ان ماما صارت تعرف عن علاقتنا .. طبعاً كلمت اقرب صديقة لي بهالموضوع عبارة الصديق في وقت الضيق و قالتلي لازم اقوله واخليه على دراية بهالشي ..
انزين عاد انا تخوفت هل اخبره هالشي باتصال .. او بمسج ..
انا فيني طبع اني خجولة و ما اعرف اعبر بسرعة و اقول الشي بس مع الوقت صرت احسن 😆 🙄 ..
فقررت اني اطرشله مسج .. و اخبره عن الموضوع .. و بعدين .. رد علي بالمسج بكرة راح نتفاهم ..بهالموضوع .. يعني اليوم بعد ردته من الدوام راح نتفاهم
عبارة كنت مطرشة المسج له بوقت متأخر .. فما اعرف شسوي انا خايفة من ردة فعله .. مع العلم ان علافتي فيه وايد حلوه و نحترم بعض .. وايد ..
و بهالموضوع الارتباط في نية بهالشي بس لين ما تتعدل ظروفة .. حسيت روحي ان ضغطت عليه بهالشي .. و ما اعرف شسوي ..
و الا انتو شرايكم ؟ شنو التصرف الصح الي لازم اسويه 💡
