عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اليوم نبي نتكلم عن مشكلة تواجه الكثيرات مننا في بيوتنا
وهي كيفية إستقبال الخادمة وكيفية توديعها
أكيد استغربتوا كلامي ..
لكن ترى هو مهم جدا وهذا من تجربة بلاويهن
يعني مثلا انا أول ما تجيني الخادمة
أول حاجة لازم تتذكرين هذا الدعـــاء عند قدوم الخــادمة..
( اللهم إني أسألك من خيرها وخير ماجبلتها عليه
وأعوذبك من شرها وشر ماجبلتها عليه )
ثم أسوي لها إستلام وتسليم
أسلمها عفش جديد من إلى..
واوفر لها كل شي تحتاجه
وآخذ منها كل شي جايبته معها وأحتفظ فيه عندي ..
وطبعا يكون بوجه مبتسم وطليق وأسلوب حلو
وإذا قدرتي تفهمينها إنك بتسلمينها الأغراض حقتها لما تريد تسافر يكون أفضل
أما توديعها إذا جات يتسافر ..
طبعا ما أعلمها عن موعد السفر نهائيا
واجهز لها طقم ملابس جديدة من إلى.. وأجرد اللي عليها كله طبعا
بعدما ألبسها أول حاجة لبس فضفاض ساتر مثلا ( شلحة ) او قميص
ثم أخليها تشيل ملابسها اللي عليها كلها
حتى الداخلية بدون ما أكشف عورتها واخليها تجمعهم في كيس
وأعطيها الملابس الجديدة تلبسهم
حتى عبايتها ما أخليها تاخذ القديمة اعطيها جديدة
والجزمة بعد اكرمكم الله
وماعاد تعتب باب غرفتها ولاتروح أي مكان في البيت
يعني تكون تحت المراقبة
لأني اخاف تكون مخبية شي هنا او هنا وتروح تجيبه في غفلتي
وأسلمها حاجاتها الي اخذت منها يوم أول ماجاتني مثل ماهي
وأسلمها عليهم زيادة ..
مثلا هدايا من عندي او مبلغ من المال يطيب خاطرها
أو تعويض عن أغراضها اللي ماخليتها تاخذهم
ولاتنسين تجهزين لها مصحف جديد مفسر بلغتها
وبعض الكتيبات الدعوية
وماتاخذ ولاشي معها من غرفتها
أو أي حاجة هي احتفظت فيها بنفسها أبدا
يعني
أحس إني فعلت الأسباب لأتقي شرها..
إن كانت تنوي شر
وفعلا ..
حصل لي مواقف شجعتني أستمر على هذه الطريقة
وانصحكم تطبقونها ..
الآن ياليت كل وحدة تحكي لنا طريقتها
في إستقبال خادمتها وتوديعها
وتفيدنا باللي تقدر تفيدنا فيه
وتحتسب عند الله الأجر
