عالم البنات النسائي كل ما يخص المرأة العربية من ازياء وجمال والحياة الزوجية والمطبخ
طبعا كلنا نعرف وش فوايد الحنا مايحتاج من طول وكثافه ولمعان وصحه
وكيف كانت شعورنا لما كنا صغار بأيدي امهاتنا الله يجزاهن عنا خير اذكر كل اربعاء لما اجي من المدرسه القى ميمتي مجهزه الحنا وتقضبني مع شوشتي وتطلخ فيني
وكتبت هالموضوع عشان نتحمس مع بعض وكل وحده تحني شعرها تجي هنا وتكتب
الحين بقولكم على الطريقه الافضل بالنسبه لي…وكل وحده تشوف اللي يناسبها
*وهو ان اعجن الحنا بمنقوع أي شيء مفيد مثل ((شاي-ميراميه-قهوه محروقه-زبادي-قهوة نوى تمر محمص-موية بصل…..الخخخخ من سوااائل العجن المفيده….بدون زيت عشان نستفيد اكبر فااائده من الحنا((والأفضل مثل ماسمعت اني اعجنه بالليل عشن يخمر….ولاتحطون معاه بيض عشان مايفسد ولو حابه موضوع البيض مثلا خليه قبل وضعه في الشعر على طول عشان تكون فرش))
*وسمي بالله وحني شعرك وخليه من الفجر اذا كنتي متزوووجه((هذا الكلام للي زوجها يداوم الفجريه)) عشان تستفيدين اطول مده ممكنه بدون وجود المحرووووس والليله اللي قبلها حاولي تنامين بدري عشان تقومين نشيطه خخخخخخخخخخ………………وا نتبهي تغسلينه قبل ال6 ساااعات وعن تجربه وخلوكم من الخرط الفاضي قال ساعتين قال….. الساعتين مايمديني امسح اللمتسايل على رقبتي هع هع هع……يعني كل ماطولتي كان افضل
*بعد ماتغسلينه بمويا فقططططططط هاتي افضل الزيوت عندك ودهني شعرك وخليه ساعتين ثلاث او اكثر مايضررر ثم اغسليه وانعمي بأحلى شعر بأذن الله
*وبالنسبه للي شعورهم جافه جدا وخايفييين من الحنا اقولهم اعجنو الحنا بزبادي +زيت يناسبكم بدون موووويه وكذلك صفار البيض كل هذا مفيد للجفاف ولاتضيفي مويه…………وبعد ماتغسلينه حطي عليه (كريم )مناسب للشعر
*النظام راح يكون اسبوعي…..انا راح اختار يوم الاربعاء او الخميس اشوفه مناسب لي((الا اذا صار عندي ظرف طاريء ممكن اغير))……..لانو عادةً اهاليومين يكون فيه بريك لاروحه ولاجيه فهو مناسب جدا
وانتي اختاري يومك المفضل
*اتمنى منكم تسجيل اسبوعياااااااااااااااتكم ….عشان نستمر متحمسيييييين
لحد ماتتنفس شعورنا وترجع لها الحياة من جديييييييييد
*حاليا اقول اللي اقدر عليه وهو الاستمرار لمدة شهر ………واذا استمريتو هالشهر منضبطين نقدر نمدد شهرين لو حبيتو
يلاحبيباتي انتظر تعليقاتكن وحماسكم معي
فلت شعرها وألتف وألتف قلبي يوم فلت شعرها 😐
😆 hy:
