فيه امل والا خلاااااااااص

السلام عليكم ورحمه الله وبركاته
كيف حالكم يا فراشات
اولا حبيت اشكر القائمين على منتدى على تفعيل عضويتي بسرعه
الحقيقه اتشرف انني اكون بينكم وفي هذا المنتدى الرائد حقيقا فالف شكر لكم.

انا يا فراشات عمري 28 سنه طالبه جامعيه حلوه وبيضاء والله يا فراشات انا ما امدح نفسي ولا اغتر بنفسي انا بنظر الناس حلوه وهذا والله العظيم بنظر الناس حتى اللي يشوفوني يحسبوني سوريه والا فلسطينيه والا مصريه ما يصدقون اني سعوديه .
ولكن يا فراشات نصيبي لما يأتي الى الان
مره وحده بس جانا خطاب ولكن للاسف لما سألنا طلع اللي متقدم لزواج فيه اعاقه ورفضنا وكان ناس يعاتبونا ليش ما وافقنا ليش اننا كبيرات خلاص يا سلام يعني لازم اقبل بأي احد عشان بس اسكت الناس معليش الزوجه لها حق ومن حقها تعيش حياتها زي باقي الزوجات كيف تبونها تعيش حياتها مع واحد مريض او مبتلي الله يرفع عنه وعن جميع المسلمين .
والله يا فراشات اني كل يوم اتقطع واحس بضيق وكدر حتى لي اخت اكبر مني بسنه نفس الشيئ
دائما اسئل نفسي هل فيه امل اني اتزوج والا خلاص القطار فاتني اللي بعمري بنات اقاربي وجماعتي متزوجات وعندهم عيال انا احيانا اكابر قدام الناس واعتبر الشيئ عادي بس مكابره قدام الناس والا انا من داخل اتقطع نظرات الناس تتعبني احس نظره الناس لي ولاختي نظره شفقه ورحمه حتى والله فيه بنات اقل مني جمال والله واصغر مني تزوجوا وعيلو .
لما اكون في مناسبه زواج تجيني كآبه وضيقه
البنت ماتبي من دنيا الا ستر والعافيه وهذا الشيئ من حق البنت حنا في عصر الفتن وكل شيئ تطور
يا اخواتي الفراشات كل اللي اتمناه منكم دعوه صادقه من القلب بزوج الصالح والستر لي واخواتي ولجميع خواتنا المسلمات .