عالم البنات النسائي كل ما يخص المرأة العربية من ازياء وجمال والحياة الزوجية والمطبخ
في بيتنا ………….ملقووف !!!!!!!!!!!!!!!!
مرحبتين ومسهلتين ….حيا الله القماعة ..
أسألكم بالله …ماقد مر عليكم في حياتكم شخص ..مسخر كل طاقاتة
وإمكانياتة البشرية والفكرية والعلمية للغوص في اعماق حياتك واسرارك واخبارك ؟؟
او ببساطة شديدة ……قد مر عليكم ملقوفً ما؟؟؟؟
(( والملقوف لغةً ….هو ذلك الكائن الحي اللذي ينشبُُُ كالمسمارِ في حلقكا
ويدخلُ كشوكةٍ تنغز في وجدانك ….لا تستطيع الخلاص منة …))
كلكم بتقولون …..ويمكن تصرخون …ايةةةةةةةةةة …مر علينا ويمكن عايش معنا !!
………………………… ………………………… ……
من منا ماراحت عزيمة ولا زواج …ومالقت ثنتين ولا مجموعه جالسين يودودون
في اذان بعض ….
ملقوفه 1 (تهقين ورا فلانة ماجلست مع حمولتها ؟؟؟)
ملقوفه2 (اكيد متهاوشين …ولا وراها اجل )
ملقوفه3 (الاشكلهم متطاقين …باين على وجيههم )
زعيمه الملاقيف (يا ليت من يدري وش قصتهم ؟؟؟)
((مهيب نايمة في الليل من اللقافه ))
وهكذا …..راح من وقتهم نص ساعة يدورون السبب اللي راحت فية ذا الضعيفة
وجلست على طاولة ثانية …وهي ياغافلين لكم الله ..
وفي ركن ثاني ..
ملقوفه1 ( شوفي فلانة …لابسة نفس الفستان اللي شفناة ذيك المرة )
ملقوفة2 (غريبة …وراها مافصلت ثاني ؟؟؟)
ملقوفه3 (اكيد رجلها ماعطاها فلوس )
ام الملقف كلهم (الا والله بلاها تنتفض على القرش ..ذا القعيطية )(وش دخل امك ..من حلالك قرش)
مايدرون ذا المسكينة اللي قطعوا جلدها ..وش صاير
معها بالضبط ..
*************************
وهكذا تدور تلك الاحاديث في كل اجتماع نسائي …سواء اختلف السيناريو او تشابة
ليست هنا القضية ….
القضية ……
ليش ما نترك الخلق للخالق …؟؟؟
ليش ما نروح الاجتماع ونسولف وننبسط ونبلع ونجي ؟؟
ليش مانترك الناس في حالهم ؟؟
وش دخلنا في فلانة وعلانة ؟؟؟هذى ليش سوت وذي ورا كشتها كذا وذيك وراها
منتفخة ؟؟؟وش عليكم من هم …
حطي نفسك مكان اي وحدة من اللي قاعدة تتلقفين عليها ..وتخيلي
ان الكلام ذا يطلع عليك …وش بيكون ردة فعلك ؟؟
من جد شي يرفع الضغط ….ومافية شخص ماتعرض لموقف لقافه والمشكلة إذا جاءمن
ناس عايشة معهم ..
سواء من اهل زوجك ولا اهلك …يعني ناس بتحتكين معهم 24ساعة ..
..بتقولون وش جاها ذي على هالموضوع …بس احياناً يطفح الكيل
بالبني آدم …وانا من الناس اللي ما احب احد يتدخل في خصوصياتي ..وفي
نفس الوقت ما احب اتدخل في خصوصيات احد …
كل انسان عندة مساحة خاصة مايحب احد يدوس عليها
عجبني الموضوع والأسلوب وقلت اخلي فراشتي يقروه معايه ويحطو تجاربهم وانا كذلك لي مع الملاقيف مواقف …
*************************
