عالم البنات النسائي كل ما يخص المرأة العربية من ازياء وجمال والحياة الزوجية والمطبخ
,
,
,
حياكم الله في موضوعي .. الذي انرتم صفحاته
فكرت ان أدمج لكم موضوعين حتى تعم الفائده ..ولااريد منكم الا المناقشه والتعليـــق
والأهـــــم من ذاك دعوه صــــادقـــه في ظهــــر الغيـــب
أولا ؛ مسألتنا مع التقليد .. وليس التقليد في معناه المتعارف عليه .. بل بتقليد الغربــ وفعلا هي ظاهره منتشره الان بشكل كبير جدا .. (معذره بأغير الطرح للعاميه )
اللحين يااخوااتــ صارت اللي ماتقلدهم في ازياءهم وآآخر صيحات الموضه على مايقال (( قرويــه )) وماتعرف بالذووق ..
ملااحظين هالشئ ولا لا .. والله اللي صدق يحز بالنفس كلما تذكرت قوله صلى الله عليه وسلم فيما معنى الحديث : لو دخلوا جحر ضب لدخلتموه ..
سبحان الله .. لهالدرجه ماعاد نمسك انفسنا ولا نسيطر على ارواحنا .. كثرة علاامات قيام الساعه ..
واكثر شئ الآآن .. اصبح المنكر معروف والمعروف منكر
اضرب لكم مثال بسيييييييط جدا .. الغش بالاختبارات والله انه يحزنني حال بنات المسلمين وهم يأخذون الموضوع بإستهتار لدرجة اللي ماتغش مايقال عنها الا (( مطوعه ))
سبحاان الله .. كيف يستهينون بشئ حرمة الله ورسوله بهذه الطريقه .. تصدقون ياأخواات اوقات ابي اتكلم ابي اقول شئ لكن بالنهايه اسكت
ماادري هل هو ضعف مني ؟؟ او قلة حيله او ادري انه مايأثر عليهم .. الى الان وانا ماادري وش السبب .. بس مااقول الا (( الله يرحمنا برحمته))
هذا الموضــوع الاول وبإختصار شديد المهم ان تصل الفكره لكم ..
اما الموضوع الثااني ..
كان الرسول صلى الله عليه وسلم يكثر من قول .. : ( يامقلب القلوب ثبت قلوبنا على دينك ) ولنا في رسول الله اسوه حسنه
يمكن فيه ناس كثير غافلين عن هالشئ لكن .. احب ان اوضح لكم بعض التفاصيل
كان لنا معلمه دين تقول لنا قصتها : كنت في الجامعه وكنت دااائم اقص شعري ((بوي)) عشان شعري مو ناعم فيتعبني عشان كذا قلت اقصه وارتاح
وكان عندنا طالبه من صديقاتنا متدينه ماشاء الله لدرجه كبيره .. وكل ماشافت شعري تقول لي : إلى متى يا فاطمه ؟؟
(طبعا المعلمه اسمها فاطمه) تقول : ومرت السنين وتزوجت هذي البنت من رجال راعي سفر وطلعاات .. ويوم من الاياام شفناها كاشفه وجهها ..
تقول تفاجأنا .. فلاانه اللي كانت تنصحنا وتقول لنا اخر شئ تكشف وجهها .. كلمناها ونصحنا .. فبدت تبكي وتقول : هو اللي يقول لي (تقصد زوجها)
فــ سبحان الله .. كيف تبدل حالها .. وتغيرت احوالهاا .. عشان كذا رددوا دائما .. يامقلب القلوب ثبت قلوبنا على دينك …
وختاما ؛
معذره على الاسلووب والكلاام المختصر بس ابي رايكم وتعليقاااتكم ..وأرحب بأي اضافه او تعديل على كلاامي …
أسأل الله ان يغفر لي ولكل من دخلت موضوعي وقرأته وردت عليه .. وجعلني واياها من الصالحين الابرار والا يجعل في نفسي ولا نفسها حاجه من حوائج الدنيا والاخره الا قضاها لنا .. ويغفر لوالدينا ووالدين والدينا والمسلمين اجمعين ..
وصلى الله على نبينا محمد
