عالم البنات النسائي كل ما يخص المرأة العربية من ازياء وجمال والحياة الزوجية والمطبخ
.
.
.
السلام عليكم شلونكم خواتي
تعالو بقولكم شسويت بزوجي
الله يسلمكم قبل أمس كنا قاعدين عالعشا آنا و زوجي و عمي و خالتي و حمواتي كلهم و حماي الصغير
و آنا توني طالعه من النفاس صارلي 3 أسابيع تقريبا
المهم عمي قاعد يقول لخالتي خلاص كبرتي و صرتي جده بتزوج عليج
و يقول لبناته دورولي وحده عمرها 19 و زوجوني اياها
جان يقول زوجي المفروض آنا اللي اقول بتزوج أبي وحده عمرها 19
جان أعصب و اقول شنو فرقت سنه يعني ( آنا عمري 20 )
خلصت عشاي و قمت بروح شقتي جان يقول عمي اقعدي اكلي حلا ماعليج من رجلج ..
جان أقول لا مو مشتهيه و أعطي زوجي نظره يعني زعلانه و صعدت ..
المهم أول مادخلت ولا اهو وراي جان يمسكني و يقول شفيج زعلتي قاعد اتغشمر معاج !!!
جان أطقها بجيه (دموع التماسيح طبعاً )
و أقوله ليش جذي حرام عليك احرجتني جدام امك و ابوك و خواتك
غشمرتك ثقيييله إذا جذي غشمرتك خلاص لا تتغشمر معاي مره ثانيه ..
راضاني و نسى السالفه بس آنا بقت براسي !!!
المهم أمس كنت سهرانه مع وحده من حمواتي
و حماتي هذي غرفتها قبال شقتي
جان أقولها بسوي دقه بأخوج و بعلمه الغشمره الثقيله شلووون
قالتلي شبتسوييييييييين ؟؟
توقعوا شنو سويت ؟؟
خليت بنتي عندها و انخشيت بكبتها ..
و اهيا دقت على زوجي كان سهران بالديوانيه
قالتله تعال فوق ابيك شوي ..
المهم لما جأ قالتله بنتك كانت تبجي حيل و لما دخلت الشقه لقيتها بسريرها و أمها مو موجوده !!
انجن الرجال راح يحوس بالشقه دورني بالمطبخ و بالحمام عزكم الله و بالصاله و بغرفة بنتي ..
نزل تحت يدورني بالصالات و بالمطبخ و بالحوش ..
طلع برا بالحديقه يدورني ..
و صعد فوق مره ثانيه يدورني بغرف خواته …!!!
خليته يحووووس نص ساعه يدوورني
و يدق على تليفوني بس آنا مسكرته
آخـر شي جأ عند اخته اللي انا منخشه بكبتها ..
جان يقول هذي وين راحت وشكله خايف علي حييييييل
عاد أخته بعد ماقصرت جان تقول يمكن زعلت من كلامك أمس لما قلت انك تبي تتزوج !!
جان يقول لالا ما اتوقع ما تسويها
و ياخذ تليفونه و يدق على ابوي يبي يسأله إذا جيتهم ولا لأ
بس الحمدلله انه مارد لان هالحجي الساعه 4 الفجر ..
لما شفته خلاص وصل حده جان أبطل باب الكبت و أطلع بكل برووووووووووووووود ..
لما شافني انهبل مو مصدق
سكت ماقال ولا كلمه و راح الشقه شكله معصب حدددده
و آنا و حماتي ميتين من الضحك
رحت وراه جان أقوله إذا غشمرتك ثقيله أنا غشمرتي أثقـــــل
مارد علي و طلع راح الديوانيه ..
خخخخخخخخخخخخ مسكين جننته
أحسن عشان مايجيب لي طاري الزواج مره ثانيه
شرايكم باللي سووويته …؟؟؟
