قال آه أجل !!!

بقولكم القصة بالأول ..هذا الله يسلمكم الترم اللي فات ايام الامتحانات النهائية تحديدا وقت الفجر دق التلفون ..انا كنت سهرانة اذاكر فرديت على التليفون …اول مارديت سمعت صوت يقول أه ..أه ..أه واقول مين محد يرد علي ..انا تروعت على طول خطر ببالي انه اخوي ( بسم الله عليه ) صار له حادث ولا يقدر يتكلم فقعدت اصيح لا شعوريا وااصارخ واناديه فلااااان… رد علي… تكفى رد ( صرت بحاله هستيرية ) اخواتي تروعوا جت وحدة خذت السماعة مني وسكرتها والثانية دقت على اخوي ورد وطلع مافيه الا العافيه !!!!…
انا استغربت من الموقف اللي صار حتى ما عمري سمعت بكذا نوع من الازعاج اللي صراحة ممكن يقتل اشخاص …المهم اهلي قالو هذا واحد يستهبل وشكله سجل صوتك وينشره !!..عاد انا انقهرت ودي ادعي عليه بس ما اقدر لاني معاهدة نفسي ما ادعي على احد ..هذا الموقف الاول .

الموقف الثاني دق التليفون وردت اختي ….وش سمعت ؟ سمعت وحدة تقول كلام وسخ .!!!تقول كذا :
ايــه ..سرير ..بلوتوث …!!!>>بصوت مو دلع دلع ما ابي اقول الكلمة امكن فهمتوه >>واختي تقول مين ما حد يرد اخر شي قالت هذا بيت فلان ؟ قالت اختي غلطانه.. وسكرت السماعة ..؟؟!!

الموقف الاخير قبل لحظات ( وقت الفجر ) دق التليفون رديت ..سمعت : آآآآه ..آآآآآه >>زي الاولى بس اطول هالمرة ..عاد انا ما ضيعت وقتي بعدا اهتين سكرت السماعة^^” …

…..

المهم نجي للزبدة …اول شيء بالله وش يحسون به اللي يسون هالحركات ؟..ووش يبون ؟ الصراحة ارتفع ضغطي مرررررررره ..بس في فكرة تخوف خطرتي لي انهم ممكن يكونون اهل الارض بسم الله علينا XXD
لانه الحركات غريبـة مرره ..قولوا لي ممكن ؟!!
قلت لاختي كذا ومانامت للحين وتقول كلوا منكي تجين تنامين عندي الحين غصب ^^”
المهم وش رايكم… ووش تتوقعون ..!!؟؟
وحنا اتفقنا خلاص اي اتصال بهالوقت ما نرد عليه ..