عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركآته ,
كيفكم يافراشآت ~
عندي مشكله وآبغى رآيكم ومشورتكم وكيف آتصرررف لاني ماني عااارفه ايش آسوي
آمس جتني وحده من قريباتي وتصير بنت خآلي قالت لي آنا بقولك شيء ولازم تعرفيه
قلت لها قولي وش عندك ؟
قالت ان بنت عمها اللي هي بنت خالي مطلعه عني سمعة بطآله
وإن لي علاقه بولد عمي وبيننا مكالمات وحب و,, الخ 🙂
وشافتنا في الديره لمن سافرنا وش شافت ماادري 
ولد عمي هذا آكبر مني بسنه ومتخرج من الجامعه وانا لسى ماتخرجت ..
وطبعاً ما آفكر فيه آبد واشوفه مثل آخواني يعني نهائياً ما بيننا شيء ابد ورب العرش يشهد ..
حتى قلت لاهلي لو خطبني ماراح اوافق والكل عارف
المهم هالبنت حسبي الله عليها مطلعه هالكلام لكل البنات ويقولون دايم هالسالفه على لسانها
البنات كلهم يعرفون هالشيء وانا اخر من يعلم
لمن قالت لي هذي السالفة كلمت اخوي آصغر مني بسنه وانا وهو مره عادي مع بعض
قالي طنشي هالكلام عيب يطلع منك ولا تقولين لآمي عن شيء
واذا طالت السالفه رآح آكلم آخوانهااا
آنا اللحين محتاره آقول لآمي ولا آسكت
انا مرره متحطمه وبس آبكي ليه تشوه سمعتي 💡
على فكره آنا مخطوبه من سنيتن ناس مو من اقاربنا من الجماعه وكلام بس ماصار شيء رسمي
ينتظرون تخرجي ولحد يدري بهالخطوبه ابد الا انا وامي واختي
انا خايفه يفركشون كل شيء ويدمرون حياااتي 😛
