عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
في البدايه اقول اني مو متذكره الحلم تمام لانه صار من مده وكمان لما صحيت من النوم
حاولت استرجعه وماتذكرته كله
كنت أشوف إني وعائلتي ماشيين بمكان عام ومفتوح مثل البر أو شي يشبهله وكأننا بأيام الحج
( القصد مو اننا نحج لا قصدي المكان يشبه منى أو مزدلفه كان مثل البر وفيه ناس لكن يمشون مافيه احد جالس) وكنت أشوف أشجار لكن جداً قليله
وكنت شايله طفل ماأعرف هل هو أخوي أو ولد أخوي وعمره تقريباً سنه
وكنت أقرأ عليه قرآن واللي اتذكره أنه كانت سوره الفاتحه أو آيه الكرسي
وكان صوتي وترتيلي جداً حلووووو ماشاء الله
لدرجه لما صحيت من النوم أتذكر صووتي
وأتمنى أقرأ نفس الشي بالحقيقه وشفت أخوي الكبير يمشي ويكلمني لكن ماأذكر أيش قال
وقت حدوث الحلم : قبل الفجر
الحاله الدينيه : عاديه
الحاله الاجتماعيه: غير متزوجه
المهنه : موظفه
حالتك قبل النوم : ماأذكر لكن أتوقع عاديه
يااريت تفسروه بأسرع مايمكن
وجزاكم الله عني وعن جميع المسلين كل خير
