عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بكتب واللي يطلع معي بكتبه
ومالي خلق بوحده تغلط علي
طفشانه متضايقه من حياتي الزوجيه قصدي النكديه
مشاكل في مشاكل نادر ومن النوادر يمر اسبوع بدون زن وصراخ وعناد
زوجي بدون وظيفه جالسلي بالبيت على الطالعه والنازله
انسان متسلط متحكم درجه اولى
ساعات احسه طيب ويجي منه
وساعات احسه قذر ويحمل خبث في قلبه
اذا زعلته من شي واداركت الموقف وبروح اتاسفله اكره عمري لان مايرضى بسهوله ابدا ابدا
يلعن ويسب ويتفل بوجهي ويقول اتركيني الحين مو فايقللك
او يمنعني من كل شئ خروج سوق زواج
يبني الغي شخصيتي نهااايئا
يبيني على كيفه وعلى مزاجه مارد عليه ولا اناقشه
لاشافني عصبت يقول احسن موتي من القهر الله يريحني منك وش اللي يخليني اتزوج
اذاكان هادي يكون تمام بس ياويلي لو زعلته في شي حتى بدون قصد
وانا تعبت الحياه اخذ وعطا هو ماعنده لاخذ ولا عطا عنده اوامر لازم تمشين عليه او ياويللك ياسواد ليلك تعرضت مره للضرب منه والتكفيخ اخذت قشي ورحت لاهلي اتصل علي واعتذر ونهيت السالفه بيني وبينه
ورجعت ولكن شئ صار
ماطولنا متراضين
مافيه اتفاق بيني وبينه ولايبي يسمع رايي باي شي اللي يقوله يبيه يمشي
وانا تعبت قرفت
كلامه لي لاتسوين شخصيه علي شخصيتك معي اعدميها
احسه معقد لانه بدون وظيفه
على فكره من يو تزوجته هو بدون وظيفه ابوه يصرف علينا بالشهر بمبلغ بسيط جدا
وهو معه شهادة الكفاءة ومالقي وظيفه ولايبي يشتغل اي شغل
واللي خلاني ارضى فيه اتوقعت ان ابوه بيلاقي له وظيفه بحكم انه تاجر لكن تزوجته ولهذا اليوم هو بحلقي
فتحله محل بس مانجح وقبله للبيع ورجعلي الهم
وش اسوي تعبت منه
صعب في التعامل وانا لاتحمل ابدا دايما انا وياه في معركه وعدم راحه
انا متاكده ان قلة الماده وقل الوظيفه هي السبب بس وش اسوي هذي السنه السادسه وانا تعبت
لي منه طفلان
اب حنون على عياله ويحبهم ومحافظ على صلاته بس لايتحمل مني اي غلطه
على فكره في بعض المواقف احس اننا احسن زوجين على وجه الارض والباقي الله يعلم فيه
بس الزبده ان مشاكلنا زايده على اللزوم
ياترى الزوج اذا عصب مسموحله ان يتمادى عليك بالغلط بكلام
ممكن يغلط بكل شئ
يمسح بوجهي البلاط وبعدين يقول عادي ردة فعل
اااه تعبت
اكذب عليكم ان قلتلكم ماحبه ورب احبه واخاف عليه ابو عيالي
وتجي ايام يهزني ويسبني واسامحه واتصل عليه عشان اطمن عليه
وهو عارف اني احبه لكن ودي اعرف ليش مايحس فيني ليش يحملني الغلط لوحدي ليش يقولي عن نفسه انه ملاك ولا يغلط انتي بس اللي تغلطين واذا غلطت عليك فانتي اللي جبتيه لنفسك
مادري وش اكتب بس حسيتو فيني انتظر نصيحتكم
