قررت اطلب الطلاق ………

۔

السلام عليكم ورحنة الله وبركاته
كيفكم اخواتي ان شاء الله طيبين
اكيد شفتو موضوعي بخصوص زوجي ..۔ مل مني ما يحس بالمتعه معاي
او بالمعنى الاصح انه ما حبني قلبه فاضي .۔ كل اللي يبيه يملى هالقلب
يبي بنت دلوعه حلوة يتمتع بجسمها ..۔ بتقولن من حقه اوك ادري انه من حقه
بس يعطيني فرصه على الاقل نكمل السنه 21 ذو الحجة بكمل خمس شهور
والله ثم والله اني احاول اسعده على قد ما اقدر بس خلاص يبي يتزوج اي وحده وبس
ما تفرق معاه اخلاقها او او اهم شيء يتزوج ويطلق لحد ما يحصل اللي يحبها
انا ما كنت ابي انفصل بس عن جد مو قادرة اتحمل ظلمة لي .۔
لاني دبدوبه شوي يقول انه انعمى وقت النظرة وانه ما يحس بالمتعه معاي
طيب واحد ما يبغاني ليه اعيش معاه واحد ما يحسني ليه اكمل
واضغط على نفسي واعصابي ..۔ ليه دايما الرجال هو اللي يقرر مصيرنا
هو من حقه انو يتزوج ويعيش حياته .۔ انا كمان من حقي اتزوج غيره
واحد احس معاه بالامان مو خووف متى راح يتركني .۔ لا ويقول
انه اتزوجته بالرغم من انه متزوج لانه عارف انه مافي واحد اعزب يرضى فيني
ما فكر ان هو نصيبي اللي ربه كاتبه علي واني نشبه في حلقه
ماراح امدح نفسي بس اني مقبوله ونظيفه وبيضا وطويلة بس مشكلتي ان وزني زايد شوي وبدات انزله
مو علشانه والله ما يستاهل انزلة على شاني انا
والله انه اتقدملي ناس كثير صحيح اكثرهم متزوج وعزابين ومن صغري وانا عندي 11 سنه
بس طلع هو نصيبي .۔ عمري ماراح اسامحه لانه اذاني وذلني كل يوم وانا ابكي مو علشانه علشاني
لما اقرر اني اتزوج يطلع نصيبي زي كذا ياربي لك الحمد .۔ والحمد لله انه للان مافي حمل

والله اني ما اكلفه ولا اضايقه بطلبات مالها داعي .۔ ولما يجون اولاده عندي ياني احطهم جوا عيوني
وهم بنات كبار ما اخليهم يرفعون منديل من على الارض .۔ والله العظيم انه يقول ولد عمه قاله انه لو عندي اخت يبي اختى .۔ بس تكون نفس اسلوبي وطريقتي

الحين هو اخذ قرار الزواج والله لو مين كلمة ماراح يسمع كلام احد بيسوي اللي براسه ..۔
وانا ابي اتطلق منه مره عافته نفسي صرت اتقرف منه
يراسل بنت ويبي يتزوجها بدون ما يعرف اخلاقها وهي بنت مين ولا اي شيء يقول حاس فيها

بنات بالله شورو علي لاني مرة تعبانه ومرهقه ..۔ بكلمة بعد العيد لانه رايح يحج