عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
هذي رسالة نداء لكل من عندها علم او فائدة ممكن يخدموني
وقبل ماتوصل فيني حالة فقدان الامل الى الهروب من المنزل
هل حقوق الانسان ممكن يكونون كفيلين باعاشتي واقامتي عندهم
او دار الحضانة الاجتماعية
ردو علي الله يخليكم وساعدوني لاني خلاص ماعاد افكر ومالي الا هالحلين ارجوكم انا مقتنعة فيهم مية بالمية بس ابي اعرف هل هم يقبلون فيني ولا لازم يعني اسوي مصيبة عشان يقبلون فيني ماابي نصايح لان مشكلتي مالها أي حل ومستقبلي اسود
دقيت على حقوق الانسان ولا يردون نهائي وحتى الحضانة
ورعاية الفتيات يقولون لازم البنت الي تدخل عندنا تعمل قضية اخلاقية
وش هالكلام والي زي حالتي وش يصير فيهم
يابنات انا عمري 28 وقريب بدخل ال 29
من خلقتي واناقليلة حض مع اهلي
يعني غير محبوبة ومهمشة واعامل معاملة سيئة
طبقية فضيعة في التعامل بين الرجل والمراة ,,, الرجل هو السيد والمراة مستعبدة
الله عوضني بجمالي وبدراستي
موفقة ولله الحمد ولكن وين مااروح يخربون علي اهل كل شي
المشكلة الان الي بتخليني اهرب من المنزل
ان والدي ناوي يحبسني في المنزل ويمنعني من الدخول او الخروج
والقهر بيمنعني من دراسة الماجستير بعد ماقبلت فيه بعد سنوات من الانتظار ورفض كل المجالات الاخرى الي جتني زي البعثة والوظيفة وخلافة يعني دمر اخر طموح لي
بالاضافة الى حرماني من الزواج
تقولون وش السبب
اقولكم تعنت
وفرض شخصية وراي في أي شخص يتقدم لي
اخر فرصة كانت لي وانا بهالعمر ردها وعلى قلبة زي العسل
المشكلة الي صارت
كان يبغى يزوجني بطريقة خاصة وانا رفضت وقلت الان ملكني وبعد الملكة نتفاهم على طريقة الزواج وهم ماراح يقولون شي علما باني من سنة يعني من بداية خطبتي وانا اقولة ملكني ورافض
المهم هو رفص وقال اذا ماوافقتي على الي اقولة بردهم وبقول انك اصبتي بالجنون عشان يروحون يعني ياتتزوجين الحين وبطريقتي ياخلاص مافي زواج
انا عندت شوي على امل انه يلين انا ابي املك وبعدين نشوف وش نسوي لان استجدت ظروف بحياتي
وقتله اذا رفض الرجال مستعدة اضغط على نفسي واتنازل بس مااتوقع يرفض لانه متفهم
الين في النهاية صارت مشكلة بينا وبين اهل العريس الي ينتظرونا من فترة
والمشكلة بسبب رفض ابوي الرد عليهم الا في حال وافقت على الي هو يبية
وتفركش الزواج
وراح معه اخر امل في اني اتزوج
واني اطلع من حياة العذاب الي انا فيه
خلاص بعد اليوم بعنس ووجهي بوجهي ابوي الي دمر حياتي
والمصيبة ان السبب الي حاولت ااجل فيه الزواج شوي والي هو دراسة الماجستر
ابوي بيحرمني منه ويقول بحرمك من الدراسة عقاب لك مع انه هو الي ردهم مب انا
والوظيفة منعني منها سواء اهلي اوحكومي علما بانة بخييييييييييييييييل جدا ومايطلع الفلس الا بالحسرة ويقول يكفيك اكل وشرب مب لازم تطلعين ولا تدخلين ولا تلبسين
يعني لازواج ولا وظيفة ولا دراسة
وفوق كذا اهانة وتعامل سئ ويسبني ويهيني عند اخواني عشاني رفضت كلامة ووالله يابنات انه يقول لي كلام يكسر الصخر
ولا تقولون ابوك ويحبك والله مايدانيني بعيشة الرحمن ويقولها بوجهي يتمنى موتي
وابوي قاسي من خلقته ومافي قلبة رحمة ابد
الان وين اروح لاني مستحيل اصبر على هالعيشة لاتقولون اصبري انا كنت اصبر على امل الزواج
ياناس انا كنت مخطوبة سنة وفوت عشان هالعريس نااااااااااااااس كثير خطوبي طوال هالسنة الي كنت له
وخططت وجهزت للعرس ولي مواضيع وش كثرها في المنتدى عشان الزواج الحين لما ادخل المنتدى اغمض عيوني عن منتدى العروس من الحزن الي فيني
وفي الاخير يسوي فيني كذا بدون ادنى احساس بالمسؤولية
والاعظم يحملني انا المسؤولية يقولي انتي الي رديتيهم
الي بيسالون عن امي ودورها اقولهم امي من العصر القديم يعني على شور ابوي وراية لو يقول وش مايقول هي معه ماتخالفة وهي انسانة بسيطة جدا واذا قلت كلمية وقوليلة حرام عليك تقول كلمية انتي وتحن شويات بس يجي ابوي تنتفض وتنسى كلللللللللل شي وتحط الملامة علي
اما اخواني فاغلبهم عيال وبالعكس يايدون ابوي في حكاية القعدة بالبيت بس للامانة ناقشوة بخصوص خطيبي وحملوة جزء من المسؤولية
واخواتي وحدة كبيرة متزوجة ومستقلة بحياتها عمرها ماتدخلت بحياتي او ظروفي نهائي وعلاقتي معها سطحية وهي دايما مالها علاقة ولا تحب تدخل نفسها بمشاكل
والثانية صغيرة تفكيرها بسيط ولاتتدخل بشي وظروفها كويسة لانها تدرس وتغير جو وتمشي لها مكافئة ولاهية بعمرها
الان بعد حدوث الموضوع رجعت الحياة طبيعية للكل في بيتنا الا انا
حتى ابوي الله لا يسامحة عايش ومبسوط وضحكته اسمعها وانا بغرفتي ولا تانيب ضمير ولا شي
انا بس الي قاعدة اتحسر وابكي
انا ابي احد اعيش عنده واقاربي مستحيل لان ماحد يتحمل احد بهالزمن
اتوقع اذا رحت الحضانة او حقوق الانسان
بيسمحون لي اتوظف او ادرس واقوم بنفسي علما بان وظيفتي جاهزة
كيف اتواصل معهم ساعدوني
حتى رعاية الفتيات دقيت عليهم ابشرح ظروفي قالو مانستقبل الا الي مسوية مصيبة وممسوكة
وش ذا يعني اسوي مصيبة عشان تقبلوني
انا مو بنت للدولة اذا قصرو اهلي بحقي مسؤولة الدولة عن اعاشتي وقضاء حقوقي؟؟
والله اني خايفة انحرف لان حياتي خلاص ماعاد تسوى عندي جناح بعوضة
ولاششششششششي كلش راح وكلش خرب
دمرررررررررررررر كل شي وخرب علي كلللللل شي بسبة استعبادة
المستقبل اسووووووووود سواد اليل ولاحد يقول مبالغة ولا وش هالتفكير
ترى انا عمري 28 مب صغيرة ووالله لو وحدة منكم تعيش الي عشته لو دقيقة كان تفقد عقلها لذلك الي بتتشمت او بتقول كلام يكدر اسال الله ان يبتليها ببلاوي ويحرمها الاستقرار االي عايشة فيه
وربي مافكرت بالزواج عشان الزواج نفسه
قد مكان تفكيري اني اهرب من ظروفي الصعبة والعذاااااااااب الي انا فيه
ساعدوني والي ماتقدر تدعي لي لان اذا استمر هالوضع ابهرب من البيت
كل شي بالدنيا مستحيل يكون اسواء من عيشتي مع ابوي
ادعو ان خطيبي يرجع لي اذا كان في رجوعة لي خير وسعادة وان كان فيه شر وتعاسة انه يعوضني باخير وافضل منه بالقريب العااااااااااااااااااااااااااااااااااااجل
