قروب ذوات الشعر (الدهني _ الناعم _ الخفيف )خلونا نجرب هالخلطه ونشجع بعض هلموا ياصبايا

ان شاء الله كلكم بخير وشعوركم كل مالها وهي تحلى وتحلى قولوا امين

باذن الله هالخلطه راح تشوفي نتايجها مع الاستمرار وراح تقولي النوري صدقت

مع العلم حطي في بالك ياغلاتي مافي شي بين يوم وليله اكيد لا لازم نتعب شوي حتى نوصل للي نبيه

انتي امشي معي خطوه بخطوه وان شاء الله بتشوفي الفرق بنفسك وانا عن نفسي احب النتيجه تكون

متاخره بس يبقى معي مفعولها للابد احسن من اللي يجي بسرعه ويروح بسرعه يعني كانك

يابو زيد ماغزيت خخخخ

يالله خليكم معي وجيبوا ورقه وقلم وسجلي المقادير والطريقه والخطوات حبه حبه ههههههه

المقادير ..

حنه حساوي << الافضل

سدر حساوي << الافضل

غجر

بابونج

زبادي

3 ملاعق كوفي متوسطه

بصل + ثوم << بقشورها + القطع

مجموعة من الزيوت المرغوبه

مقدار من المويه حسب كمية الشعر

الطريقه ..

خذي المويه واغليها مع البصل والثوم الين يصير لونه اصفر وبعدين ضيفي عليه الغجر والبابونج الين يتغير لونه

ويصير احمر صفيه وخليه على جنب

جيبي علبه بلاستيك حتى نعجن فيها حطي مقدار من الحنه ومقدار من السدر حسب حاجة شعرك

وملعقتين زبادي متوسطات و3 ملاعق كوفي متوسطات ونخلطهم مع المويه اللي صفيناها وبعدين

نضيف عليهم ملعقتين من الزيوت ونخليه يخمر من 3 الى 4 ساعات وكل ماطولتي كل ماكان افضل

وحطيها على شعرك وغطيه بنايلون حق الاكل او قبعه

نصائح لنتائح موفقه ..

بعد وضع الحنه لاتغسلي شعرك بالشامبوا فقط بالمويه

ثاني يوم زيتي شعرك بجوز الهند فقط واغسلي غسيل كامل بالشامبوا << فهمتوا علي

خذي انبولات للشعر او تونيك حسب احتياج شعرك واللي يناسبه

وكمان يفضل استخدام حبوب الفاتمينات حسب وصف الدكتور او الصيدلي

اممم ممكن تكرري الخلطه يومين بالاسبوع فقط مع تفرقة الايام

عدم استخدام الاستشوار الا في حالة الضروره القصوى

ملاحظه ..

الاستمرار في الخطله وعدم الانقطاع من شهر الى شهرين …