عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم ياحلوين
الحمدلله ماعندي مشكله بس حبيت اقلكم على شي صارلي قبل فتره عشان تستفيدو من هدا القسم ❗
قبل سنة ونص كنت عروسه وساكنه في شقه جديده 😆
المهم بعد 6 شهور من السكن وعفش بيتي كله تفصيل على حسب الشقه
جاء صاحب البيت في يوم وقال لزوجي انه راح يرفع الاجار والسعر مره حيزيد يعني مره ماحنقدر عليه 🙁
ضاقت فيا الدنيا
وخرجنا انا وزوجي درنا جده كلها ادور شقه
ايجارات مولعه نار يعني ممكن الايجار ياخد 3 ارباع الراتب وقتها زوجي لسه مديون حق الزواج يعني حنجلس من غير اكل وشرب
المهم والشقق الي سعرها مناسب ضيقه وتقولي حق صلصه مو بيت
واكتر شي كان مزعلني اني حامل وابغى اولد في بيتي الي مزبطته 👿
رجعت البيت واحس ان صدري بينفجر من الضيقه الي فيه اعوذ بالله
وبعدين بكيت بوكى في حياتي مابكيته
وزوجي لمن شافني منهاره والدنيا ضايقه فيا قلي والله ماراح اطلعك من بيتك وراح ادفع الايجار الي يبغاه
وبعدين ارتاحت نفسيتي ودخلت قسم افتح قلبك في منتدى الفراشه
ولمن شفت هموم الناس نسيت همي
وكنت كل مادخلت قسم اقول الله يفرج همك والله مو بقصد بس هدا ردي على اي وحده مهمومه انه ربنا يفرج عليها
والله والله والله
يبنات جاء زوجي ثاني يوم صحاني من النوم ويقلي راعي البيت يقول حيزود الايجار على الناس الجدد
لكن احنا القديمين لا حيخلينا على نفس الايجار
وربي عرفت انه هادي دعواتي لااخواتي في الله وانه في ملك كان يقلي ولكي بمثلها
سبحان الله وربي رحمته واسعه
وبعدين قريب زوجي بناء عماره ودحين انا ساكنه فيها واخذه احلى شقه في العماره يارب لك الحمد
اسفه طولت عليكم
