قشطة الاميرات >> كريم ماجيك >> والحين حبوب التبييض .. لا حول ولا قوة الا بالله !!!!!

اهلين حبايبي .. كيفكم ان شاء الله بخير …

وبعد كذا لمن وقف سوق قشطة الاميرات ولقوا ما في فايده منها وكسبوا الوف من البنات قالوا خلينا نغير ..

وفجأه تلاقي المنتدى كله يبيع كريم ماجيك الاصلي سبحان الله فجأه كذا كل الناس صاروا يبيعوها ما تدري كيف طيب وينهم من زمان برضو ماتدري ..

ما لقيتي ولا وحده رجعت وقالت انه فادها ما تدري ليه برضو .. وسبحان الله اللي يفيدها تلاقيها تبيعه …

والحين طالعيلنا بحبوب التبييض اجلس على المنتدى ما اشوف الا مواضيع كلها حبوب تبييض وتبيعها

بس هذولا الغشاشات اللي تحلف باعز ما عندها انه فادها وفي النهايه حراميه يا شيخه ارحمي نفسك الفلوس ايش حتسويلك في القبر ويوم القيامه …

بس هم لو مو شايفيين انه فيه بنات بيشتروا وبيكسبوا من وراهم ..ماكان كل كم شهر وهم لهم منتج معين ..

يعني الدكتور اتغرب السنين هذي كلها عن اهله وعن بلده عشان في النهايه تجي وحده تقول عندي كريم يخليكي لمبه وما منه اضرار ..

اذا ما منه اضرار ليه ادوية الدكاتره ما تكون كمان ما فيها اضرار ليش الدكاتره ما يجلسوا في البيت ويصير هي تروح الحراميه تجلس على مكاتبهم وتصرف الكريم حقها بدالهم ..

لو انها مفيده او انها من جد صحيحه كان الممثلات والمشاهير اول ناس استعملوها ..

طبعا انا ما اقول لا تروحي تدوري على البياض والتوحيد والنضاره بالعكس انا كمان لو اني انا كمان مو زيكم ما دخلت القسم ..

بس اذا تبغي كريمات واشياء طبيه روحي دوري عليها في مكانها الصحيح عند دكتور مختص وفاهم وعنده خبره .. مو من عند كل من هب ودب …

يالله نستنى بعد حبوب التبييض ايش كمان عندهم منتج ويبغوا يكسبوا من وراه…

استغفر الله العظيم الله يهديهم ويهدينا …