عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم كلكم؟ الله يهون على كل وحده يارب حامل
ويرزق اللي تبغى بالذريه الصاالحه ..
جيت اكتب لكم اكشن ولادتي قبل لا انساه..
ولدت الحمدلله يوم الاحد بتاريخ 29-6 >> لكيع خلودي جاي على نهايه الشهر 😎
ولادتي في جده في مستشفى عرفان
طبعن الي كانو معايا في التجمع حسو بمعاناتي واني خلصت الشهر التاسع ودخلت العاشر ومافي اي بوادر ولاده … والدكتور محددلي يوم الاحد نفس يوم ولادتي ياطلق صناعي ياعمليه لانو كمان كانت عندي مشكله الرحم قافل وعدم نزول راس الجنين في الحوض..
يوم السبت في الليل سبحان الله حسيت بالالام كانو تعب او زي كدا ماحطيت في بالي انو طلق ابدن
كنت في بيتي وقتها ودقيت لماما وفررررحت قالتلي تعالي يلا عشان ان شالله يزيد الطلق وتولدي..
رحت لماما وبدأت الرحــــــله الــ…. 😛 << مابا اخوف احد هههههههه
كانت الساعه 12 الليل وماما خلتني امشي وشربتني حلبه والالم يزيد الين ماقدرت اجلس كل خمسه دقايق سرت احس بمغصه والم في الضهر كانو احد يضربني:D ومرررررره زاد الالم والساعه 3 رحت المستشفى خلاص ماقدرت اوقف وسرت ابكي ..
دخلت على قسم الولاده على طول وجو عملولي تخطيط وبعدها جات الدكتورة المناوبه قالت في طلق خلينا يلا نكشف ونشوف كم سم … كشفت قالت الرحم مقفللللل 
قلت ايش بعد كل دا قالت ايوا والراس فوق مني حاسه بيها .. قالت ححاول وافكلك عنق الرحم مدري ايش تبا تسوي ودخلت اصباعها الله يعزكم وقالت خلاص فكيتو دحين نص سم مفتوح وان شالله حيزيد الين مايسير 10 وتولدي ..
طبعن الطلق بيزيد وانا باستنى وبتالم والله اني شويا اطبح من السرير من قوة الالم.. فنفس الوقت وبافرح نفسي انو ان شالله خلاص يفك وجلست من 3 الليل الين 8 الصبح وقتها انااا ماعاد فيا حيييييييل وجات كشفت تاني لقيتو برضو نص سم اتخييييلو 😆 idea:
قالتلي خدي ابره الضهر قلتلها لالالالا مستحيل اخاف من الابر ..بس استمرت المعاناه الين 12 الضهر وقتها انا خلاص كاني ميته وجا دكتوري كشف وانا ابكي وخايفه وتلاته ممرضات يمسكو رجلي وقفلت على اصباع الدكتور 
وبرضو زي ماهو الوضع قلي خدي ابره الضهر انتي ماتنفعي تولدي طبيعي كدا ابدن ..سلمت امري لله وقلت طيب
جا دكتور التخدير واعطاني هيا وانا منتهيه خلاص صح انها وقفت الم الطلق نهائيا مره مريحه ما احس بيها لكن انا من الليل اتالم وحيلي انهد خلاص:P
بعد ما اخدتها حسيت بدوخه وكاني نايمه او صاحيه بس مني قادره افتح عيوني وجسمي ماعاد فيه قوه وسرت الله يكرمكم استفرغ وفرحو الممرضات قالو الاستفراغ يفتح الرحم ومادام ماتحسي اصبري شويا لانك بكريه …..
قال الدكتور طيب خلاص بس انا صبرت لانها بكريه وانا ابرا ذمتي قدام الله اني سويت عمليه عشان لاتلوموني بكره وكدا
الساعه 4 العصر جهزوني لغرفة العمليات وكلو ودخلتها وسرت بس ابكي وطبعن من تحت مبنج بابره الضهررررر وفس نص العمليه وهما بيخرجو خلودي حسيت انو في شي من بطني بيخرج وسرت ابعد الستاره الي بيني وبين الدكتور قام دكتور التخدير الي فوق راسي ضربني على يدي
😉
كل شي خيره للانسان يعني دقت الم الطبيعي والقيصري وولدت الحمدلله بعد معاناه من السبت الين الاحد وكنت اتمنى اني ما احس بشي واولد على طول لكن ربنا اراد كدااا ..
ودي حكايتي بخلودي ربي يحميه ويحفظو يااااااااارب
بعيد عن اجواء الرعب والولاده دي صور التجهيزات والتزيين 
ماشالله تبارك الله
كان كلو شغل يدنا التزيين نحنا نجهز من قبل بكم شهر خخخخ
مافي الا الكوكيز والكب كيك جاهز 
