عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
صباح الخير فراشات
أبشركم ربي فرجها علي يوم الأربعاء اللي فات وجبت احلى عبودي في الدنيا..:)
وبقول لكم قصة ولادتي ..
كان عندي يوم السبت اللي فات 29/6/1428هـ موعد مراجعه عادي وكان لي بالتاسع 18 يوم قالت لي
الدكتوره شكل بطنك فيك طلوق خليني اسوي لك فحص دخلي قلت أوكي سوت لي فحص وقالت الرحم مفتوح 3
سم شكلك بتولدين اليوم بالليل أوبكره الصباح هذا الكلام يوم السبت وقالت اللحين روحي أمشي وأشربي خروع
وطلعت منها وأنا مرعوبه مره شلون 3سم ولا حسيت بأوجاع ولاشي المهم عشت اسبوع من اشين الاسابيع
عايشه قلق وخوف مدري وش انا مقبله عليه امشي كل يوم واشرب خروع واشرب دارسين واتبخر ماخليت شي
ماسويته المهم وجى يوم الثلاثاء والوضع نفسه مازلت لاأوجاع ولاشي قال زوجي خلينا نروح بكره نشوف اذا
كان الرحم مفتوح 3سم نفسه نطلع ونصبر ونشوف رحت يوم الاربعاء الصباح الساعه 9 ونص الصباح ودخلت
عليها وفحصتني قالت مفتوح 4سم خلاص ماراح تطلعين بطلعك توليد أنا خلاااص بغيت أموت من الخوف الله
لايوريك شعور يموت اني ادخل غرفه التوليد وانا مافيني شي حالتي النفسيه كانت زفت ودخلت التوليد
الساعه 11 الصباح وركبت علي مغذي الطلق الصناعي وفجرت لي كيس البيبي الساعه 12 وبدت الالام
الساعه 12 ونص بس كانت تحتمل بس بعد الساعه 3 ونص خلاص ماعاد يحتمل الالم وربي كنت اسمع عن
الولاده بس موزي اللي شفته واللي كان قمه التحطيم فجرت الكيس الساعه 12 الظهر ويوم جت الساعه 3 الا ربع
العصر خشت وقالت الرحم مفتوح 5سم بغيت اموت كل هالالم وبس انفتح اسم بهالساعاتين ونص وبدت الالام
تزززززيد ويوم جت الساعه 4 وربع وتجي دكتورتي وتخش قالت مفتوح 6 سم ساعه ونص وبس 1سم مازال
التحطيم بعدين جى طلق موطبيعي وربي خلااص شفت الموت قاموا يعطوني كمامه الاكسجين قي البديه كانت
تخفف بس بعدين ماعاد صارت تسوي شي ولاتفيد اتمنى كنت من ربي انه يغمى علي بس تقومني الطلقه من الالم
كل دقيقه بالضبط وبعدها جت الدكتوره وقاست لي الرحم الساعه 5 وربع العصر وقالت الرحم مفتوح 8 ونص
قالت يلااهانت باقي سانتي ونص وقالت لي تحسين بدفع قلت لا << تحطمت حسيت اني لسه ويوم جت الساعه
6 الاربع وتجي دكتورتي تقيس الرحم وقالت 9سم مفتوح ان شاء 6 ونص ينفتح كامل قلت لا خلاص ماعاد
اتحمل وربي بنات شي مايوصف مووووووت وبديت من الساعه 6 احس بدفع مع الطلقه بس كان تدريجيا تزيد
قوته ويوم جت الساعه 6 ونص ويأخذوني لغرفه الولاده وانا خلاص في حاله يرثى لها وربي من جد زوجي
يوريني يده بعد ماولدت ورحت غرفتي يدينه مجرحه مني وبعد ماودوني غرفه الولاده 6 ونص وتجي دكتورتي
ويحطوني في وضعيه الولاده ومن 6 ونص بديت بالدفع ومرحله الولاده يوم جت الساعه 7 ويطلع وليدي ويحطونه
على صدري يازين اللحظه اللي سمعت فيه صوت صياحه وربي اني نسيت كل شي الحمد لله على كل حال ..
الله يهووووون على كل الحوامل ياررررررب ..
