قصة ولادتي الجزء 2 بالتفاصيل .

السلام عليكم ورحمة الله وبركاته

رجعت لكم حتى اعطيكم تفاصيل ولادتي ..المتعبه

لاني في البدايه اعطيتكم ملخص سريع عن قصه ولادتي

نجي للمهم ..

راح نستكمل قصه الولادة من عند لحظه دخولي لغرفه الولاده ..

دخلت لغرفه الولادة الساعه 2 بالليل من يوم الاربعاء .. ولبسوني لبس المستشفى
وحطوني على جهازتخطيط القلب و الطلق .. المزعج ..
وسوت لي الممرضه الخاصه فيني .. تحيليل بول وسكر ..
وركبت لي الاكسجين .. والمغذي

طبعا” ممنوع الاكل ..:(

وبديت احس بالجوع واعطتني بس مويه

كانت الممرضه الي مرافقتني اسمها (مونا ليزا ) فلبينيه رهيبه حبوبه مررررررة
وكل شوي تدخلني لدورة المياة ..

صارت الساعه 4 الفجر وجتني الدكتورة الاردنيه ( ازل) وقالت لي انها تبي تسوي لي سونار لمويه البيبي ..وهنا بين معاها ان مويه الجنين نازله عشان كذا
لما كنت اروح للطوارئ مابين معاهم بالمسحه انو الرطوبه الي احس فيها هي مويه الجنين

وان مويه الجنين الحين نزلت ووصلت لمستوى خطر يستوجب الولادة.

قررت تعطيني طلق صناعي ( تحميله ) ..وافقت واعطتنياها .. وهذا كله وزوجي بالفندق مع ولدي حمودي..محتاس فيه موعارف يوكله ولا يغير له ولا ينومه

وانا مصرة مابي احد من اهلي يدري ان بولد كنت ابي اولد واخلص بعدها اعلمهم

طبعا” اغفي واصحى على دخول الممرضاتوالم الطلق الي بداني خفيف مررررة

والتوسع عندي مرة قليل 4 ساعات بس 2 سم

صارت الساعه 6 الصبح واتصل على زوجي وقعدت اصيح وقلت له انهم قرروا ولادة
مع اني باقي لي اسبوع على التاريخ المحدد لي وهو 3/6 /2009

وطلبت اشوف ولدي .. حسيت اني ماراح اشوفهم مرة ثانيه

دخلت علي الدكتورة وهدتني وقالت انها بتوسع لي وتحاول تمزق بقايا كيس المويه حتى يحمى الطلق

وبدت توسع لي ووانا هلكت من الألم وبعدها جابت مشرط بلاستك لكيس الجنين وبدت تدخله
وانا اصرخ وخفت صراحه يلمس راس البيبي هههههههه:D

ولا نزلت مويه وقالت .. اذا مانزلت المويه الباقيه راح تعطيني طلق صناعي 2 بالمغذي اقوى واسرع مفعول.. وهنا بدت تشرح لي وش بيصير وانواع المسكنات

ابرة الظهر & ابرة مخدرة بالعضل & الكمام

صارت الساعه 9 والتوسع زاد بس 1 سم تحطيييييييييييييييم

جتني على الساعه 9 ونص وقالت انها اتصلت على الدكتورتي ( شكران ) ولاهي موموجوده في الرياض ..والدكتورة شاكرة الي المفروض تكون البديل بعد ماخذه اجازة .

وقالت خلاص بتعطيني طلق صناعي في المغذي.
وحطته لي ..وراحت وقالت انالدكتورة المناوبه هي الي راح تشرف علي لان دوامها خلص

وبداني الالم لكنه مومنتظم ولسه موطلق ولادة .. وزوجي مسيكين حايس بعمرة مع الولد وخلاص قال بيوديه لبيت اهلي بس ماراح يعلمهم اني اولد .
انا لاء جيبه اشوفه اول ..

مع انه ممنوع بس يدخل الطفل بس يمررونها لاشافواالام مصرة .
جابه وقعدوا معاي لين الساعه 2 الظهر ..

وهنا بداني الم شبه منتظم واقوى من الي قبله وبدت الشغلات الغريبه المويات الباقيه تنزل
وانا خايفه حدي وكأنها اول ولادة . لي

واسمع الحرمه الي بالغرفه الي جنبي تصرخ وتصيح وانا اصيح معاها واذا ولدت وحده
اسأل الممرضه وش جابت ومن تتوقع تولدبعدها ..

كان معاي 12 حرمه 6 بكريات طول مسيكينات

كلمت امي بقول لها ان زوجي بينزل حمودي عندهم وانا اكلمها جاني الم وصرخت وهي انهبلت
بجيك الحين وانا اقول لها لاء مابي لاتجين ..

المهم دخل زوجي يشوفني واقول له روج لايشوفني الولد بها الوضع
لانولدي حبيبي خايف شافني اصيح وراح

نزله لبيت اهلي ورجع لي

وهنا قررت ابي مسكن عطوني الكمام وكنت ارتاح عليه .. وعلى الساعه 4 صار الكمام ماينفع
وطلبت الابرة المخدرة ..ولاجابت نتيجه ..زادوا لي قوة الكمام

والدكتورة المناوبه سودانيه ( اسمها اوسيلا) و الدكتورة شرين .. ماتركوني لحالي
كل شوي يطمنون علي ويهدوني ..ويقرون علي دعاء الكرب وسورة الزلزله

والممرضه معاي طول الوقت تهديني وانا اترجاهم ابي عمليه قيصريه
خلاص موقادرة اتحمل اكثر وهي تقول لي خلاص التوسع 5 سم باقي بس 5 سم
وانا موقادره ..يدخل زوجي واقول له

لاعاد تقول ابي عيال خلاص مافي واحد ثاني

وهو يقول طيب طيب .. واسحبه من يدينه واقول وقع عمليه تكفى خلاص مو قادرة
ومسك لي كمام المخدر وفجأة طلعت عيوني من مكانها واقول له طلع البيبي طلع
وراح يركض ينادي الدكتورة برةوقالت خلاص بتولد باقي 1 سم

راح يصلي المغرب .. وهنا دخلوا عندي 5 ممرضات واشوفهم يجهزون العده
وبديت ادفع لا ارادي .. وجتني الدكتورة اوسيلا .. وقالت يلاا شدي وادفعي وبديت ادفع
وسعت لي وبعد 6 دفعات سمعت صوت حبيبي عبادي

الساعه 8 وعشر المغرب يوم الخميس 28/5 /2009

..ولا امي توها داخله .

ويدخل زوجي واقول له لا تكفى روح لاتشوف بارك لي وطلع ..وجلست معاي امي لين خلصوا خياط

طولت بالخياط لانه تجميلي .. وهنا ماشاء الله وصل الخبر لأهلي
وانا بعدي بغرفه الولادة يدقدقون يباركون وانا اسأل من قالهم ؟

ولا ابوي حبيبي من الفرحه مبشر الكل ..

وبعدها امي راحت للبيت حتى يبقى عندي زوجي بعد مانظفوني ولبسوني
رحت لغرفتي بعد ساعه

غرفتي خاصه عاديه .. بس حلوة واولمادخلت للغرفه ولاهم حاطين القناة في الشاشه على
غرفه الاطفال ..وحاطين لي عبادي بسريرة

وسبحان الله النومه طارت ولاجاني النوم ..

وطول اليوم اطالع فيه .. وجابوة لي بعد 3 ساعات من الولادة
وكلمني الدكتور وطمني على البيبي ..

طبعا” الممرضات تحت الخدمه وسريعات لاطلبتيهم .. حتى دورة المياة يدخلونك ويغيرون لك
وبعد 7 ساعات .. دخلت تروشت وغيرت ملابسي

ويوم السبت جتني الدكتورة وكتبت لي خروج وعطوني موعد بعد اسبوعين
وبعد اسبوع للبيبي عند الدكتور انور شهاب

صراحه انصح الكل يولد عندهم