قصة ولادتي .. الله يفرج عليكم ياكروشات تعالوا استفيدوا

المهم انا قبل اولد بيوم كتبت موضوع اسأل البنات عن شي يسرع الولادة وكنت وقتها السدادة عندي نزلت رحت ثاني يوم عند امي وقالت لي تعالي بسوي لك خرابيط مايجي الصبح ان شاء الله الا وانتي والدة 😆 hy: طبعا كان عندي طلق خفيف ورحمي فاتح 1سم
سوت لي امي كف مريم وشربته وقعدت ساعتين وسوت لي كبو مكون من حلتيته ومرة وكمون وخوا جوا وقشر بصل وفلفل هوا ونوى التمرّّّّّاممممم هذا اللي اذكره بس الله يعينك تحملي ريحتها القوية بتخيسين البيت
وبعدها علطول رحت انسدحت واتغطيت كويس لمدة ساعتين وكل هذا ولا قوى الطلق بعدين جابت لي امي قرفة ويانسون حلتها بعسل وشربتها ولا فيه اي طلق قوي قالت لي امي مالك الا زيت الخروع واجيبه من الصيدليه وشربت ملعقه طعام كبيرة وحطيت راسي ونمت الساعة 2 بالليل وقمت الفجر على الساعه 6 واحس بمغص اقوى من قبل بشوي قمت فطرت ورجعت انام انا بس حطيت راسي ع المخدة الا وتنفك علي مويه الجنين انا انهبلت اول مرة اشوف زي كذا طبعا عشاني بكرية بس اشوا الموية مهي كثيرة وبديت اصارخ انادي امي كانت نايمه هبلت فيها قالت يلا ع المستشفى مدام الموية انفكت مع ان الطلق الى الحين ماقوى وجابت لي فوطة وصبت فيها حلتيته عشان تفتح الرحم ودخلت الحمام واخذت دش دافي مرررة لجسمي وجابت لي امي مويه دافيه مذوبة فيها زعفران لانها تسهل الولادة بشرط تاخذين الزعفران وانتي عندك طلق
رحت المستشفى وقاسوا رحمي لقوه فاتح 2 سم انا تحطمت مرررة بس عيوا يطلعوني من المستشفى عشان الموية نزلت بدا معاي الطلق الساعة 8 صباحا وكان كل شوي يقوى صار طلقي متواااااااصل حتى الدكتورة قالت ماشالله كويس طلقك قوي في الدقيقه يجيك3 طلقات هذا يساعد على فتح الرحم بسرعه وفعلا رحمي بدا ينفتح بسرعة والالم كل ماله يزيد بعد مافتح 4سم عطتني الدكتورة مسكن
الطلق موجود بس مااحس بالم يوم انفتح الرحم 7 سم خف مفعول المسكن ورجع الطلق القوي والحمدلله ولدت الساعة 2 الظهر 😡
وبدت مشاكلنا مع الخياطة وارتحنا منها الحمدلله
عقبالكم ياكروشات ربي يسهلكم عذرا طولت عليكم