عالم البنات النسائي كل ما يخص المرأة العربية من ازياء وجمال والحياة الزوجية والمطبخ
قصة ولادتي يالغاليين
لكن لاتخافون وربي يسهل عليكم في وقتكم
طبعا انا نزل علي الماي يوم الاثنين الفجر بس مارحت المستشفى
لان كان مجرد نقط خفيفه وتوقعت الامر عادي
المهم نمت وصحيت ثيابي فيهم بلل وسكتت ماقلت الى احد وبعدين المغرب كلمت حمات اختي ممرضه وقلت لها السالفه قالت لي لازم تروحين المستشفى احتمال ولاده ويعطونك طلق
قلت لها مااحس بلا وجع
قالت لازم المهم دخلت وخبركم وبعدها صليت ورحت وطبعا طلع اللي في اسعاف الجش دكتور وانقهرت ورفضت الكشف
بس قال لازم كشف احتمال خطير ودكتوره مافيه
وبعد معاناه وخوفي على بنوتتي وافقت وكشف وقال كحي طبعا الكشف كان بالحديده كحيت وطلع ان التسرب من حوالين الجنين
قال ضروري تنويم ووقعنا على التنويم
وتنومت طبعا زوجي مش موجود بعدي عني واللي وداني اخوي وكلمني زوجي مع اني حاولت اخبي عليه بس لان كان الجوال مافيه ارسال فعرف اني برى البيت وقلت له اني في المسشتفى وعندي تنويم وسالني ليش ولاده قلت له مافي طلق بس شكلها ولاده بالطلق
وطبعا زوجي عالطول نزل من مقر عمله وصرت احاتي نفسي او احاتي زوجي جاي في الطريق من مشوار
المهم ركبوني فوق الساعه 8 ونص وعالطول تخطيط وكشف وسووا لي توسعه
طبعا بيدهم
جت لي الممرضه تقول لي الان تتبسمين يا؟؟؟؟ بس بعدين بتصيحين وبتعظينا بعد المهم انا مااستوعبت الموضوع
وقدمت الله وتحملت كل شي سووه لي
المهم جت الدكتوره قالت لي لان كيس الماي مفتوح اكثر من 12 ساعه فلازم طلق صناعي طبعا انا مااعرف شنو الطلق الصناعي
وكنت انتظر اقولهم متى ومتى قالت لي ضغطك مرتفع لازم ينزل وانا بصراحه كلمت زوجي وقلت له خايفه موت
وعن جد كنت ميته خوف وكان ضغطي من الخوف مرتفع مره انتظروا لمانزل ضغطي على 12 وجت الممرضه وعطتني الحقنه الشرجيه
وعطتني الطلق في المغدي طبعا الطلق ابر
والابررررررررررررررررررررررر ياويلي منهم
والله العظيم ان الطلق موت موت صحيح اني ماجربت الطلق الطبيعي بس الطلق الصناعي شفت الموت والله يابنات عطوني الطلق 12 و12 وربع بدت الالام
وبدء الطلق ووبدء الصياح بس بهدوء وماجت 2 الا انا مفزعه مستشفى الجش
والله العظيم يابنات والله شفت الموت وقمت اصارخ من قمت راسي من شدة الالم طبعا الطلق هلكني هلك
كان كل 5 دقايق بعدين صار كل دقيقتين تخيلوا
مايميديني اتنفس تجيني الطلقه الثانيه احاول اقرء الزلزله مايمدين ابدء الا والصراخ قام والله حسيت اني بتفجر لان الطلق كان حار موت
حااااااااااااااااااااااااااار موت موت الله لايوريكم
والساعه 3 الا جت الممرضه تكشف قالت لي مفتوح 6 قلت بموت بموت و6 واصارخ والله يابنات فزعت المستشفى وانااقول لهم بموت وكل شوي اقول امي ماقالت لي الولاده كذا
اصارخ اقول سستر تعالي بموت سوي عملية قيصريه حطي ابره سوي اي شي بموت
المهم الساعه 3 وخمس جت وكشفت قالت لي 10 والله يابنات يوم قالت لي 10 بغيت اطير اقولها يالله ولاده بموت كنت ببوس رجولها علشان تولدني ذيك اللحظه بس اللي اذكره كنت اطالع في عيونها اقولها سستر بموت يالله ولاده
تقول ماما مافي قول بموت
طبعا كانت فلبينيه بس تجنن
وتجيني القطيفييه تذكرني بالزلزله وتتطلع
وانا اشيل الاكسجين واصارخ وانطط فوق السرير واقوم واجلس
المهم يوم كشفت وهو عشره قالت لي ادفعي علشان ينزل الراس شوي طبعا كل هذا في غرفة الملاحظه
شوي وتجيب الكرسي واالله يابنات قمت من السرير
كأن طفل قالوا له هناك لعبه ويبي يشوفها ابي اخلص قمت وجلست اقولها يالله
ودوني غرفة الولاده وكانت ثلج بصراحه مره بارده
المهم بدت لحظة الجد وصرت ادفع حوالي 4 مرات بس المره الرابعه حاولت بشتى الطرق ادفع بكل قوتي ومااقطع في الدفع
لان كنت ادفع واوقف وخافوا علي البيبي وقالت لي ادفعي مره وحده دفعه قويه وانا بصراحه من الطلق والصراخ ماكنت اقوى حتى افتح عيوني
ودفعت الدفعه الرابعه وطلعت بنووتتي والله العظيم احلى شعور بالدنيا لحظة خروجها كان احلى شعور
صحيح استناست وطرت من الفرح لكن مانسيت التعب
واقولهم وانا مغمضه وش جبت قالت بنت زي القمر
وونظفتها وجابتها لي وحطتها على صدري والله احلى شعور يوم شفت بنتي
وطبعا الولاده في كوم والخياط في كوم
لان خيطوني كثير حوالي نص ساعه وهي تخيط
والان الخياط يوجعني
طبعا ولدت بنتي الساعه 3 و26 دقيقه
والحمدلله طلعت بنوتتي مثل القمر
وسميتها سما
ربي يسهل عليكم يارب في وقتكم وماتحتاجون الى اي محرض او طلق لان الطبيعي اهون بكثير
