عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم كروشات ومبقوشات ➡
اليوم جيتكم وجبت لكم قصة ولادتي 🙂 يمكن تستفيدون منها ومن اللي صار معي 😆 🙂 ..
انا ولدت يوم السبت 23_3 الساعه 5 العصر ..
البدايه من يوم الاربعاء قبل اولد كنت تعبانه ونزل معي خيوط دم خفيفه شوي وانقطعت
وكان معي آلام شديده بظهري طبعا هذا كله صار في الليل الساعه 11 تقريبا ..
المهم خف الالم شوي ورحت ارتاح وانام ونمت بس كان الالم يصحيني ..
الخميس الصباح راااااح الالم واختفى قلت اجل خلاص مافيه ولادة وبروح ازور اهلي اغير جو
ورحت لاهلي وطلعنا مع بعض لاستراحه وانبسطت ووسعت صدري بس يوم جت الساعه 9 بالليل رجع علي التعب والالم وحااولت قد مااقدر اتصبر الين ارجع البيت ..
رجعت لبيت اهلي الساعه 12 تقريبا واول مارجعت دخلت دورة المياه وانتوا بكرامه ونزلت معي مويه بعدها على طووول رحت اكلم زوجي يجي ياخذني للمستشفى ..
مع اني كنت في بيت اهل وكان فيه ابوي واخوي بس ماودي اخلي امي تشيل هم وتقلق علي فماقلت لها شئ مع انها لاحظت اني تعبانه ولاقدرت تنام الا لما تظاهرت بالنوم قدامها ونامت ..
الساعه 3 وربع جا زوجي لانه كان بعيد مررررهـ المهم اول ماجا رحنا للمستشفى (الشميسي) وقالت الدكتورة ان الرحم مفتوح 3سم 😐 قالت لي روحي امشي وبعدها ارجعي لنا ..
طلعت وقلت لزوجي كل شئ ورجعت للبيت عشان امشي فيه لان الوقت كان متأخر وصعبه امشي في الممشى ..
المهم جلست امشي الى الساعه 6 الفجر بعدها الالم خف وجاني النووووم وقلت انام احسن لي 🙂
ونمت بس نوم متقطع وكان فيني شويه الم بس اقدر اتحمله..
وبيوم الجمعه كل شئ كان عااادي وراااح الالم مررررهـ الا الساعه 7 المغرب رجع الالم اقوى من اول رحت امشي عشان ينفتح الرحم عندي اكثر ..
مشيت الى العشا ورجعت للبيت ونزل معي دم اكثر من اول بس صبرت لاني كنت اقدر اتحمل الالم وماكان منتظم وجلست مع اهل زوجي وكان وقتها فيه مباراة الهلال والاهلي ومره كانوا متحمسين ولاحسوا فيني اني كنت تعبانه ..
جلست معهم الى 2 بالليل ودخلت انام بس وين يجيني النوووم لانه بدت الآلام اشد واشد من اول وبس كان الالم في ظهري ..
زوجي نام ولاحس فيني 
انتظرت وتحملت الالم الى الساعه 11 الصباح بعدها صحيت زوجي لاني خلااااااااااااااااااااااااص وصلت حدي من الالم وعلى طوووووووووووووووول على المستشفى اول مادخلت قالوا الرحم مفتوح 5سم يعني خلاااص ولادة 😳
طلعت لزوجي اقوله اني خلاص بولد ان شاءالله عشان يمكل الاوراق ووصيته يدعي لي 😈
::
المهم دخلت كشك الولادة وخلوني امشي شوي بس ماكنت اقدر من الالم 😎
رحموووني وحطوني على السرير وسوو لي تخطيط وجت الدكتورة وشافت الرحم مفتوح 6 سم
وجلست في الكشك الى الساعه 4 وبعدها جت الدكتورة شافت الرحم مفتوح 9سم وقتها نقلوني لغرفه لحالي ودخل علي دكتور والله اول ماشفته خفت كانه سفااااح وكانه داخل مصلخه حقت الذبايح 😉 😆 hy:
والله لابس لبس رمادي وعليه شئ مثل المريله حقت الطبخ جلد اسود ولابس بوت جلد اسود مابقى الا الصاطوره 😆 hy:ويكمل الستايل هههههههههههه 😡
وبدا يطلع العدهـ من مقصات وخرابيط مدري وش هي 🙁
وقبل يبدا في التوسيع لبستني الممرضة شئ مثل الشرابات الكبيره الواااااسعه مررره ساتره تستر الرجول والافخاذ ..
وبدا بالتوسيع والله حسيت اني مغاااارة من تحت من كثر مااااوسع لان البيبي ماطلع
ومع الدفع تعبت والبيبي ماعاد يدفع نفسه ووقف راسه ماطلع ووسعني الى اخر شئ 😡
ولا طلع
قام وسحب راسه بيدهـ 😛 😳 الين طلع الحمدلله ..
طلع البيبي ولاصاح وكان لونه ازررررق من الكتمه لانه ماتنفس انا قمت اقول الحمدلله انه طلع بس تذكرت انه ماصاح وخفت بس خذوه على جنب وشفطوا اللي في خشمه وحلقه وبعدها صاااااح وصااااح 😉
ورجع لي الدكتور السفاح عشان يخيط ويسكر المغارة اللي سواها 😆 🙄
وبعدين جا طبيب الاطفال وقالي ان البيبي فيه مويه على الخصيه وانه كثير اطفال ينولدون كذا وبعدها تبدا تخف وتروح ..
المهم حطوني في غرفه الملاحظه الى الساعه 12 باليل وبعدين نقوني انا والبيبي لغرفه في قسم الولادة ..
والحمدلله كما ينبغي لجلال وجهه وعظيم سلطانه …
::
فوائد مهمه لكل حامل :
* اول مايبدا الطلق وتنزل معك مويه او دم ابدي وقتها بشرب القرفه لانها تساعد على فتح الرحم ..
* تروشي بمويه دااافيه او تنقعي فيها ..
* كلي تمرررررررررررر واشربي مويه زمزم ..
* لاتروحي الا اذا حسيتي انك خلاااااااص ماتتحملي الالم ..
* عليك بالمشي والجمااااع من تدخلين التاسع لانها تساعد على فتح الرحم ..
* لااااااااااا تصااارخي ابدا ابدا بالعكس ادعي ربك بكل شئ انتي تتمنينه يتحقق انا كنت ادعي ربي يسهل ولادتي ..
* تعاوني مع الدكتورة او الدكتور اللي بيولدك وحاولي تسمعي لنصايحه وتركزين معه لان الفايده لك قبل كل شئ ..
* كل يوم ادعي ان ربي يسهل ولادتك ويهون عليك ويرزقك الذريه الصالحه ..
::
الله يسهل على كل حامل ويرزق كل محرومه ..
لاتنسوني انا بعد ادعوا لي ربي يحفظ لي ولدي (حمودي) ويرزقني بره ويجعله من عباده الصالحين
ويعمي زوجي عن نساءالدنيا غيري ولايجعل له نصيب مع غيري من النساء ..
ولكم بمثل مادعيتوا لي ..
🙁
