قصة ولادتي بالتفصي الممل جدا ههههههه

بفضل الله وكرمه ولدت يوم 1011431 ورزقني الله ببنت نورت حياتي وزادت على نور البيت نور وسعاده…………..

المهم ……….في يوم 91 في اليل زي العاده كنت مع البنات في التجمع وكنت اقلهم ان اليوم هوه اخر يوم لي في التاسع وعندي موعد اليوم اللي بعده مع الدكتوره عشان تشوف اذا نبض البيبي طبيعي والمويه كويسه تخليني كمان اسبوع وجلست اقلهم ماني رايحه بكره بروح يوم الأثنين يعني بعطي نفسي مهله يوم يمكن اولد وانا في نفسي جالسه اقول والله اني معوشره معوشره وخصوصا لأنه ولدت قبلها مرتين وكلها بطلق صناعي وبعد ماادخل العاشر بسبوع ….المهم البنات ما قصرو الله يفرج عنهم كل هم يارب كل وحده جلست تدعيلي من جهه انه ان شاء الله ما يجي بكره الا وانتي والده ………..جلسنا مع بعض شويتين بعدها طلعت عشان اتسحر عشان اصوم عاشورا…………طبعا انا ما كان عندي أي علامه من علامات الولاده والرحم كان مفتوح عندي 2 سم ونص من اسبوع وبس يعني مافيه شي جديد …بس اللي اختلف عليه في هذاك اليوم اني كنت احس اني محشوره يعني ابغى اروح الحمام الله يكرمكم ولمن اروح ما ينزل الا نقطه وهكذا طوال اليل…وعلى الفجر لمن دخلت الحمام اتوضا وشطفت بالمويه ومسحت لقيت لون دم خفيف جداااااااااااااااااا ما ينذكر يعني زي الخيط مع الأفرازات العاديه…….طبعا انا بين مصدقه ومكذبه قلت يمكن تكون علامة ولاده وفي نفس الوقت قلت انا الرحم مفتوح من اكثر من اسبوع ونزل علي دم مع كشف الدكتوره يمكن يكون هذا دم عادي …المهم صليت ودعيت في صلاتي كثير وسألت الله ان يفرجها عليه وعلى كل بنات التجمع التواسع وسألت الله اذا كان كاتبلي ولاده في هذا اليوم فأنه يجعل ولادتي ميسره وسهله وبعد ما صليت قريت سورة مريم والأنشقاق والزلزله ومسحت على بطني
وبعدها زي عادتي حقت كل يوم شربت القشر مع سبع تمرات وما ازيد عن سبع واسأل الله ان يجعل فيها اتباعي لسنة رسولنا محمد صلى الله عليه وسلم وان يجعل فيها صحه وقوة لجسمي ولجنيني ويسهل بها ولادتي
وبعدها رحت على فراشي وحطيت راسي قلت لو جتني ولاده بيصحيني الطلق وعلى الأقل اكون نمت وفيه حيل للجهد وانا على السرير جلست اسبح (لا اله الا انت سبحانك اني كنت من الظالمين) وقلت هذا الدعاء دعاه يونس عليه السلام وهوه في بطن الحوت والله فرج عليه واخرجه من بطن الحوت فجلست اسبح فيه لمن نمت وما حسيت بنفسي……….المهم قمت الظهر صليت ومارست حياتي الطبيعيه وعلى العصر جهزت قهوه وحلى دونات لزوجي لأنه صايم وبيفطر في العمل مع اصحابه وبيجيبو فطور من برا وقلي بس ابغى قهوه وانا قلت للشغاله تسوي دونات لأن بنتي الصغيره فديتها تحب الدونات………المهم راح وانا اقله وانا اضحك خلي بالك من الجوال يمكن تجيني ولاده وانا اضحك وربي مافيني الا العافيه بس كل ما دخلت الحمام ومسحت لقيت ينزل دم وقلت هذا مو شي عادي …..المهم اذن المغرب وجابت الشغاله الفطور الأول قشر ولبن وتمر ودونات وسمبوسه

شربت كاسة لبن واكلت سبع تمرات وسمبوسه وحده <<<<<<<<<ام التفصيل هههههههههههههههههههه

وفجاءة حسيت بطني شد من تحت بشكل غريب اول مره احس فيه ومسكت بطني وسميت وجتني خرعه
خخخخخخخخخخ رحت الحمام الله يكرمكم ونفس الشي بعد التشطيف مسحت ودم ينزل في المنديل مع افرازات
خرجت وصليت عادي الا الألم بدا يروح ويجي ..انا كنت متروشه في العصر وشعري غرقان قلت خليني انشف شعري بالسشوارمن الألم قال هاه نروح قلت اصبر لمن يأذن العشا واصلي …وشويتين اذن العشا
وجيت بصلي ما قدرت اوقف جلست على كرسي ولمن تجيني الطلقه اسكت مقدر انطق حرف وما صدقت خلصت صلاه …وقمت والدموع تقوطر اربع اربع ههههههههههههههههههه تذكرت نفسي ببكي خخخخخخخخ 😆

رحنا المستشفى ودخلنا طواري على طول طلعوني كشك الولادات بدون ما يكشفون عليه وانا الألم صار متواصل ودخلت لقيت الدكتوره قدامي ودخلوني غرفة الولاده وكشفت علي قالت ماشاء الله تبارك الله خمسه سم ونص خلاص شويه وولاده انا قلت يلله الفرج قرب طبعا اخذت حاجه بلاستك وفكت المويه طبعا انا كنت خايفه من هذي الحركه لكن والله ما تحسين باي شي الا دفى المويه اذا نزلت بس …طبعا طلت الدكتوره وجو الممرضات غيرولي لبسي ولبسوني لبس الولاده وانا اتمسك فيهم اذا جت الطلقه واعطوني الكمام وفرحت قلت يلله الحين بنام وما عاد احس بشي خخخخخخخخخخخخخخخ<<<<<<<<<<<<احلام اليقظه
زوجي دخل عندي وصار يمسك على يدي وانا حاطه الكمام واحس بزي الدوخه والألم احس فيه واذا جت الطلقه افك الكمام واحاول اخذ نفس شهيق وزفير ولا اشد ( بطله الله يسعدني ) وكنت اقرا الفاتحه في نفسي طبعا لأني مو قادره احرك شفايفي ولمن ترووح الطلقه احمد الله اللي اعاني عليها ووالله يا بنات كنت ادعي لكم وما نسيتكم ولا نسيت ردن اللي طلبت منا ندعيلها وقت الطلق عشان ربي يرزقها بالأطفال وغيرها وجلست ادعي لبنات المسلمين بالولاده السهله والفرج ومافيه اقل من ساعه يعني الساعه 8 ونص الا الدكتوره داخله وتكشف تقول
ماشاء الله 9 سم قولو ماشاء الله …وقالتلي يلله تقدرين تشدين قلت افا عليك ما جيت الا عشان اشد 👿 ههههههههههههههههههههههههههه المهم صرت لمن تجي الطلقه اخذ نفس قوي واشد ولمن تروح اوقف واريح واستعد للثانيه واذا جت الثانيه نفس الشي وثالث وحده شديت بقوه وطلعت بنتي فديت قلبها وزوجي اسمعه يسمي عليها ويقول يارب اسعدها ………..طبعا بعدها ارتحت وطلعت الدكتوره المشيمه وخيطتني وانا احس باغلب
الشغل بس على خفيف لأن الكمام يدوخ بس ما يبنج …………

طبعا يا بنات تعلمت في ولادتي كذا شي…الصراخ ما يفيد الا بالعكس يضيع عليك فرص الولاده السريعه..

ما تشدين الا وقت ما تقلك الدكتوره واذا صار الرحم 9 او 10 سم وقبل كذا خليك ممشيه على التنفس فهو يريح وقت الطلقات وادعي كثير لأن ما يفرج الهم الا رب العالمين مو الدكتوره او غيرها….
وتعلمت ان كثرة البنج تخرج الواحد عن السيطره وتخليه يشد بدون ما يحس ويأثر على الرحم…

واخيرا انه مهما حاولنا نعجل بالولاده ما بتجي الا اذا ربي كتب ….بس فيه اشياء تساعدنا وتسهل بأذن الله الولاده زي اكل سبع تمرات يوميا بعد الفجر مع النيه والدعاء….

اكل العسل..وهذي نسيت اقولها اني قبل لا اروح المستشفى اكلت ملعقتين عسل مع حبة سودا وبس

…………………….وسلامتكم اعرف اني حكيت القصه بالتفصيل ال ال ممل بس حبيت تعرفون كل شي ولأني كنت استمتع وانا اقرا قصص الولاده وخصوصا اللي بالتفصيل الممل ههههههههههههههههه

والحين يا بنات اعذروني …ما حبيت اطول عليكم بقصة ولادتي …لكن ما بقدر ارد على احد لأني ما اقدر اجلس على النت عشان بنتي الله يحميها بكايه وانا لسى تعبانه من الغرز والبواسير الله يكتبلي الأجر والعافيه ….