قصة ولادتي بعبودي

ماكنت راح اكتب قصتي بس البنات وقصصهم حمستني اكتب

بالبدايه كان يوم الجمعه 26/11 اختي كانت تبي تروح تقضي اغراض لشقتها وقالت بتمر علي مع السواق قلت لها اوكي بس بروح اسأل زوجي

كان زوجي جالس مع اهله في المجلس يتفقو على خطوبة اخوه الكبير

جلست معهم شوي وجلسو يسولفو وانا قلت لهم يمكن مااحظر الخطوبه …..الخ

بعدين سألت زوجي اذا ممكن اروح مع اختي قال اوكي

رحنا وقضينا اغراضنا ورجعنا كل وحده بيتها

وبعده قلت بمشي على الة السير مشيت مدة ساعه تقريبا بس والله تعبت

وبعدها زوجي نام لان يوم ثاني عنده دوام

وانا جلست اتكلم مع بنات القروب بالمسن

وشوي قمت جهزت شنطة زوجي وجعت ورحت عملت لي اندومي

جلست على السرير وانا اكل الاندومي واقرا قصص الولاده بالمنتدى

كان الوقت الفجر يوم السبت 27/11/1430

حسيت في شي من تحت ينزل فقمت من السرير اللا المويه تنزل بغزااااره وانادي على زوجي صحى من النوم

ويشوف المويه احسه مو مستوعب شوي وصحصح قال لي يللا نروح المستشفى قلت له لا اول بسبح

رحت وسبحت وجهزت شنطتي

ورحنا المستشفى على الطوارئ وحولونا على قسم الولاده

جات الدكتوره وكشفت علي وقالت مفتوح 1سم

وحطوني في غرفة الولاده وانا مافيني طلق

على الساعه 8 الصباح جات دكتورتي وقاست مره ثانيه قالت لسه 1سم راح نعطيك طلق صناعي لان البيبي متبرز عى نفسه

وعلى الساعه 9 ونص حطو لي التحميله قالت ساعتين ويبدا مفعولها

كل هذا وانا يومين مانمت ومو جايني نوم من الخوف

جات الساعه 11 ونص وبدا مفعول الطلق وجلست اعاني مع الطلق الدكتوره قبل قالت راح نعطيك مسكن مع الطلق ناديتها عشان تعطيني مسكن لاني مو قادره اتحمل قالت لي اصلا الطلق خفيف عندك قلت لها ليه فيه اقوى ابتسمت وانا مت من البكي

وكنت ادق على زوجي ابغاه يدخل بس مو راضيين له دخل عندي 5 دقايق وطلع

قالو له ندخلك وقت الولاده

وعلى الساعه 4 العصر قالت لي الحين راح اركب الطلق في المغذي <<<<انفجعت واللي يجيني ايش يكون مو طلللق

لما ركبته زاااد الالم وانا يومين مو نايمه فصرت انام 5 دقايق واصحى على طلقه وكانت خالتي معاي تقرا قرآن وتدعي لي

وانا كل شوي اقول لهم وين المسكن

جاتني الدكتوره قالت لي وش رايك اعطيك ابرة الظهر قلت لها اي ابغاها قالت لازم يجي زوجك يوقع على ورقه

كلمت زوجي وجا على طول وخالتي تقول لي لاتاخذذيها وانا مصررره ابغاها موقادره اتحمل

قال لي زوجي راح يكلم اخوي يسأله عنها لانه دكتور كلمه وقال له انو ممكن لما يجي وقت خروج البيبي ماراح اعرف ادفع ويشفطوه بالشفاطه

وكللل العايله الكريمه عرفت وكلموني يحاولو اني مااخذها قلتلهم انا اللي راح اولد واللا انتو والله قهر

وبعدين جا زوجي يحاول فيني اني مااخذها بس خلاص وصلت حدي وكسرت خاطره جلست ابكي واقول له الله يخليك ابي ابرة الظهر تعبت وراح وطنش الكل ووقع الورقه وبسرعه اخذو مني عينة دم وكشفت الدكتوره قالت فاتح 4 سم

جا دكتور التخدير وحط لي الابره الساعه تقريبا 7 ونص وبعدين الحمد لله الالم خف بعدين تقريبا الساعه 8 وربع حسيت شي يدفع قلت للممرضه تنادي الدكتوره جات الدكتوره وكشفت قالت ولاده يعني مافي راحه

كلمت زوجي قلت له تعال راح اولد واهو كان جالس بالانتظار

دخل ووقف عند راسي وانا ماسكه يده <<< مسكين شديت عليها خخخ

جلست ادفع وبعدين اخذ نفس الدكتوره تقول لي اشوف شعره اسود <<< خخخ يعني بيطلع اشقر على مين خخخ

اقول لها ماطلع تقول لا ادفعي وانا ادفع وروحي بتطلع تقول باقي شوي اخر شي اخذت نفس طوييييل ودفعت بقووووه وطلع عبودي شفت رجوله واخذوه عني شوي وطلعت المشيمه قلت للدكتوره تخيطني خياطه تجميليه وسألتها اذا راح تضايقني بعدين قالت لا اهي راح تخفي الخياطه بس ماراح تكون واضحه قلت اوكي

وبعدين جابو لي عبادي بعد مالفوه جلست ابوسه واقول هذا اللي عذبني فديته