عالم البنات النسائي كل ما يخص المرأة العربية من ازياء وجمال والحياة الزوجية والمطبخ
😡 السلام عليكم ورحمة الله وبركاتة
كيفكم ياحلوين مع البرد 
والشتااااا
انا بكرية وحبيت احكيكم قصتي واطمن كل البكريات لاني في يوم كنت زيكم وكنت اقرا القصص واخاف
بس انا جيا هنا اطمنكم
واهديكم واحكييكم قصة ولادتي اللي ما كنت متوقعتلها والحمدلله
انا موعد ولادتي 10102011
طبعن من يوم ما دخلت التاسع كل ما احس نغزة في بطني اقول لي زوجي الم ولادة
وافضل على اعصابي الين بطني تتشجن من الرعب واحسب االم ولادة واروح المستشفى واعمل تخطيط ويطلع طلق كازب 
المهم كان عندي موعد عند الدكتورة بتاريخ 2692011 رحت لدكتورتي الله يسعد قلبها يارب
قالتلي انتي بالاسبوع 39… بس خلينا نكشف عليكي بسونار
كشفت وقالتلي السونار مكتوب الااسبوع 38 وخمسه ايام … المهم
وادتني موعد بتاريخ 1102011
وقالتلي خليني اكشف عليكي من تحت
نومت على السرير وبملابسي ❗
جات النيرس تقولي بلييييييييييييز تيك اوف يور كلوذيس وانا اقولها بلييييييييز كلوز يور ايس
هههههههههههه وجلسنا بحرب انا وهيا الين جات الدكتورة
وكشفت ( بنات لا تخافوووو ترا الكشف جدن بسيط وما يعور )
المهم كشفت قالتلي الرحم مقفول والراس مرتفعه
انا اطمنت انو محولد قريب لان كنت مرعوبه
رجعت البيت انا وزوجي وفطرنا وكونااا بنضحك ويقولي تخلي تولدي دا الاسبوع اقولو لالالالالالا مستحيل بطني مرفوعه وانا بكرية اطوووول يعني حدخل العاشر
المهم رحت الحمام الله يكرمكم والاقي دم لونو مررررررة فاتح وردي مع شوية افرازات خفيفة كلمت دكتورتي قالتلي طبيعي مع الكشف
تاني يوم يوم التلوت نزل عليا افرازات بني … خفيفه كمااااان .. وبرضو طنشت قلت لووو زاد مررررررة حروح المستشفى
بعدين يوم الربوع رحنا انا وزوجي واختي اتعشينا برررة … وطبعن زوجي يقلي طفشتينا بكرشتك متى حتولدي خلاص 😥 وانا مررررره مقهورة منو ونفسيتي اتازمت بكلامو تعرفي الحامل تجيها نفسيات اعوز بالله
بعد ما خلصنا العشا رجعنا البيت الساعه 12 الليل كنت خارجة من غرفتي رايحة الصاله بدي اشرب شاي مع ماما واختي الا يجيني الم في بطني يخليني اوقف في مكاني
جلست في الصاله وماما كانت بتشرب شاهي هيا واختي … اقلها جاني الم غريب مو زي دايمن … (تحسب زي اول التاسع كل ما يجيني الم اقلهم غريب وبدي اروح المستشفى)
قالتلي لا تشغلي بالك دا الم طبيعي مو طلق لو جاكي طلق ما تجلسي في مكانك وانتي ليسه بكرية حطولي … وبطنك ليسه مرتفعه … انا هنا اتحطمت
جلست ونفسيتي مكتائبة … وجا زوجي وجلس معانه وماما طبعن جابت 7 مشاء الله جلست تحكي زوجي عن كل ولادة ههههههههههههههههه وانا خلاص 😆 idea:
وزوجي يقلي شوفي كيف حريم زمان يصبروووو مو زيكم انتو جيل 2010 ما تتحملوا هههههههههههه
المهم رحت الغرفة انااااام … وجا زوجي … وحاولت انام لكن مافي فايدة بيجين الم بس مو منتظم … الساعه 3 الليل قلت لزوجي وديني المستشفى … مسكين لبس وداني
روحت وعملت تخطيط وطلع فيه طلق بس مو منتظم … وجات الدكتورة بتتكلم معايه تقلي طلقك خفيف ليسه انا حروح اكشف على وحدة واجيكي …. رجعت سبحان الله لقت الطلق بداء ينتظم كل 10 دقايق
ويوصل 40 بس
وكشفت عليا من تحت قالتلي الرحم مقفله عندك … انا مع التوترر سرت ابكي وشديت في اعصابي كتير خايفه من الام اللي حيجين لان بتقلي ليسه دي بدايه …املهم قالتلي انتي مو متحمله الالم قتلها لاء وابكي … قالتلي يا حبيبتي انتي ليسه اول بيبي ليكي … والطلق معروف يطول عبال يفتح الرحم
لو مو متحمله حنحولك قيصري … ولو فيكي تستني روحي البيت هدي نفسك واجلسي … ولا تجي المستشفى الا لمن ينزل عليكي دم او موية …
املهم خرجت من المستشفى انا وزوجي في حيررررة 😛 بين القيصري وبين الطبيعي
وسرت على اعصابي وزوجي يهدي عليا ويقولي خليكي زي ما انتي لو زاد الام اوديكي المستشفى
واللي ربنا يكتبو حيسير مسكين سار يهدي عليااا
طبعن انا رحت المستشفى الساعه 3 اليل رجعت البيت الساعه 12 الصبح يوم الخميس لاني كنت في فترة تحت الملاحظة عشان يشوفو طلقي حيزيد ولا ليسه مافي بوادر ولادة
رجعت البيت اتاكدت من شنطتي كل شي جاهز … وفطرت مع ماما ونومت … صحيت المغرب اتغدى ويجيني الم اوقف اكل .. يروح الالم ارجع اكمل اكلي … بس كان الم خفيف … بس منتظم كل 7 دقايق
واستنى واستنى طبعن زوجي عشان ما يبغى اعمل قلق عليه رااااااااح لي اصحابو ما رجع الا 3 الليل واناااا كل ما يزيد الوقت يزيد الطلق
ماما الله يديها العافيه طحنت زوجة الطيب ودهنتلي اسفل بطني وظهري مع زيت زيتون … ومرة زيت زيتون ومرة بالفكس … واتغطيت كويس واجفيت وما جلست قدام مكيف كان المكيف مقفل
وكل شويه يزيد الالم
طبعن صليت فجر الجمعه استغفر الله ما كنت ادري ايش اقول اصلي وابكي …
اقول لي زوجي مو قادرة اتحمل وديني المستشقى يقلي ما نزل شي خليكي
وجلست يوميها مافي نووووووووووووووووووم وانا الم يروح ويجي …
صحيت شغالتنا الصباح شافتني شغالتنااا الله يجزاها الخير ابكي واتالم قالتلي.. انتي كل ما يجي طلق اجلسي سيم سيم جلسة حمام ارضي … يعني جلسة القرفصاءكانكم بالحمام الارضي وانتو بكرامه
فعلن دا الكلام كان الساعه 9 الصبح .. والله يا بنات كل ما يجيني طلق اجلس دي الجلسه والله سببحان الله يخف الام … واخد نفس عميق
الساعه 11 الصبح رحت الحمام لقيت دم نزل … على طول صحيت زوجي واخدت شطنتي
وطبعن رحت الحمام اتروشت ولبست ….
وزوجي قلي اصبررري اصلي الجمعه ونروح ❗ اصررررررخ اقولو لالالالالالالالالالا مافيا استنى
