قصة ولادتي وتجربتي في مستشفى السعودي البريطاني…………

مرحبا يا حوامل…………
ابشركم ضحوكة ولدت بحمد الله وجابت احلى عزوزي بالدنيا……………
قبل ولادتي كنت اسال عن مستشفى السعودي البريطاني ..
وكانت الاجابات متناقضه..ناس يمدحون وناس يذمون…..فتوكلت على الله ورحت له…
بصراحه المستشفى فندقي وفخم فخم فخم لاخر درجه……
تعامل الطبيبات والممرضات بصراحه عسل………..والقابلات عندهم تونسيات ثنتين..اخلاقهم شي بصراحه…يجننون حبوبات مررررررررررا……………….
بس عندهم طبيبه باكستانيه..
نفسها في خشمها وكل شي عندها عمليه والبيبي تعبان بصراحه تعبت نفسيتي منها وفي اخر شي قلت لهم طلعوها عني الله يعافيكم تعبت من كلامها……………..
رحت لهم السااعه 3 الفجر وما ولدت الا خمس ونص العصر وكانت ولادة صعبه بس الحمد لله على كل حال..طلوق حاااااااااارة والرحم ما انفتح الا بعد ما فتحوا مويه الجنين الساعه 2 الظهر تقريبا………….
………ولدت الحمد لله بعد تعب فضيع…لان البيبي عيا يطلع …يعني راسه ناشب طالع طرفة والباقي لا…
وبعد جهود ومساعدات يسر ربي وطلع بعد مايأسوا وقربوا الجهاز عشان يسحبونه..والله اني خفت مرررا بس الحمد لله……..
طبعا بما اني من الساعه 3 الفجر الى خمس ونص العصر يعني مريت على كل المناوبات الطبيبه اللي شفتها اول ماجيت شفتها مرة ثانيه بعد ماطلعت…واحسن شي ان الدكتورة فايزة المطري صادفت مناوبتها وقت طلوع الراس وجت تولدني بدون ما اطلبها وادفع لها الف ……
….نرجع للمستشفى…بصراحه استغلاليين…يعني الغرفه حاسبينها علينا من اول ماجيتهم..يعني انا في غرفه الولادة والغرفه محجوزة باسمي ومحسوبه..وانا ما ادري…هذا اول شي…
الشي الثاني اخصائيه المكياج ماعندها سالفه…تجي تقولك روحي تسبحي وباستشورك…!!>>انا في حالك الحين؟
الشي الثاني المساج ماخذته الى ساعتكم…!!……….والقهوة جابوا الفناجيل والبيالات والتمر بس نفس زمزميات القهوة والشاهي ما شفتها الا عقب الطقاق يوم دقيت وهاوشتهم……………
ويوم تاخرنا شوي عن موعد الخروج حسبوا علينا نصف يوم جديد باربع ميه وخمسين..عشان كذا اضطريت اجلس هالنصف يوم عشان ما يروح علي خسارة………..!!
طلبوا اغراض الصيدليه …اغراض سخيفه…>>غسول ومرهم لي..ومسحتين طبياات للبيبي ورضعتين حليب وكم شغله سخيفه باربع ميه!! لو انا رايحه للصيدليه وشاريتها ما وصلت ميه ريال….
اممممم…..وبس………..هذي قصتي في السعودي البريطاني…واللي ودها تستفسر انا حاضرة…