عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
كيفكم يافراشات..؟
انا بكتب الشي الي صار لنا عشان مابي اي بيت مسلم
يتعرض للشي الي احنا اتعرضنا له
لان احنا جلسنا اسبوعين
لانوم ولاكل بسبه شغاله حسبي الله عليها
راح ابدا قصتي ان امي عامله ولازم تكون شغاله عندنا
فا جبنا وحده وكانت ضعيفه بنيتها
وبصراحه امي حيل عصبيه
وكانت كثير تتهاوش معها ونستغرب من طوله بالها
وكنا نستغرب من ان الغسيل يجلس ششهر ماتغسل
والمطبخ كم صحن تجلس تغسل فيهم للفجر
والله يكرمكم الحمام تجلس 4 ساعات تغسل فيه
بس كنت اقول اخواني الصغار مزعجينها وكل شوي ينادونها ومايخلوونها تشتغل..
المهم قاله ابي امك وانتم ليه نقلتوني من بيتكم
(بيتنا بصراحه مانشغل فيه قران و24 ساعه الصغار ع كراميش وطيور الجنه وفيها نوع من الدق والدمبكه 
)
والظاهر انه كان مستانس عليها
واخوي راح واتصل على امي وقلها امي طبعا انهارت تماما
وقامت تصيح واخذتنا بلي علينا ورحنا بيت جدي
وجلسنا هناك لاحنا عارفين ننام ولاناكل
والشغاله اخذها صاحب ابوي وزوجته ماشاء الله وحده ملتزمه
وكلمت امي وقالتلها شغالتكم مسكينه وانا بتكفل اني اعالجها قبل تسافر
والجني الي فيها يقول ياويلكم تسفرونها لو سفرتوها ياويلكم كلكم مني (ويقول اسماء ابوي وامي يعني عارفهم)
رحنا حجزنا لها على اقرب رحله ونبي نفتك منها
بس لما وداها خوي ابوي للشيخ
قرا عليها وقامت تناقز ويقول للجني اطلع ..
قله مانيب طالع انا ماحسبت ادخل فيها
وبالاخير اعترفت للشيخ في البدايه
انها متزوجه ذ1 الجني وانها اساسا 3 سنوات
كانت عايشه معه ببيتنا
وانها كل يوم بالليل تطلع معه يوديها اماكن عندهم <
تخيلوا يبنات الله يكرمكم الشعر الي بالمناطق الحساسه من طوله تقدرين تضفرينه جدايل ..!
من زود القرف
ولما فتحنا شنطتها نبي نفتشها .. لو تشمون الريحه كلمه زباله قليله
وتقول للحرمه كنت ماتروش لان لو تروشت مايجيني..!
وانا من يطلعون كلهم للدوام اروح انام بالحمام
وقرب موعد سفرها وقالت للحرمه قولي للي كنت عندهم
ان الجني بيرجعلهم ويسكن عندهم …
احنا طبعا اسبوعين لاكل كويس ولانوم .. مستوانا الدراسي انا واخواني انحدر .. امي نفسيتها تعبانه والضغط لاعب بحسبتها
وكل يوم ننام ببيت لان ابوي مسافر ماعرفنا نتصرف
تمرمطنا وتعبنا بالحيل
,,,
اخيرا جبنا شيخ لبيتنا .. بين لنا ان بينتا ولله الحمد مافيه شي
وان هالشغاله كانت هي تحضر الجن بيتنا
وكانت تبي تنتقم مننا قبل تروح فزرعت الرعب بقلوبنا
ونصحنا الشيخ ان بعد كذا لازم نتاكد من نظافه الشغاله
ومواظبتها على الصلاه
وان سوره البقره تكون شغاله بالبيت طول الوقت
والحمدلله الان الوقت صار احسن مع ان بقي بقايا من الي صار
ادري ان السالفه طويله بس حبيت افيد اخواتي قد ماقدر
وإن شاء الله الي صار لنا تتعظ منه اي وحده
والله يكفينا شر هالشغالات
دعواتكم لي بالتوفيق باخر سنه لي بالجامعه
تحيـآتي
