عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
بدأت بفكره بسيطه نمت الى ان اصبحت قصة الحب جنوووووون
لها من اعجبتهم ولها من انتقدني بها افرحتموني جميعكم وساعدني ذلك الحماس على كتابة قصتي الجديده ( الثانيه)
بركــــــــــــــــــــــــــــــــــان الأيــــــــــــــــــــــــام
ارجو ان تنال اعجابكم
الجزء الأول
..
ابطال القصه ولكل شخصيه حكايه ولكل حكايه ابعداها والتي سنكتشفها معاً
ابو محمد ( الجد) مع الجده البندري
لديهم ولدين محمد وعبدالله
وبنت ناديه
محمد ابو خالد متزوج من حرمتين الاولى موضي وهي بنت عمه وعندهم ثلاث اولاد وثلاث بنات
خالد 27 سنه
لميا 24 سنه
رائد 23 سنه
طلال21 سنه
سارا 19 سنه
رزان 17 سنه
وزوجته الثانيه نوال وعندهم ثلاث بنات وولدين
ياسر 25 سنه
يزيد 24 سنه
يارا 23 سنه
عبير 20سنه
هديل 14 سنه
ناديه متزوجه من ولد عمها ماهر عندهم بنتين وولد
جنان 19 سنه
ومها 17 سنه
محمد 12 سنه
عبدالله دكتور استشاري كبير متزوج وحده الغرور يهرب منها اسمها فايزة
وعندهم بنت وولد
اسيل 22 سنه
وطارق 27 سنه
………………………………………….. …………………………………………..
باقي الشخصيات تأتي حسب الادوار في القصه
محمد ابو خالد تزوج بنت عمه قبل28 سنه وطبعا كان اجبار من ابوه ياخذ بنت عمه
وهذا كان غلطت العمر الي ضل الجد ندمان عليها طول عمره وهذا غلط الاجبار.!!
حياة موضي ام خالد في بيت صغير وبسيط جدا في احد احياء الرياض اربع غرف وصاله وحوش صغير
الجد والجده معهم ساكنين
البنات لميا وسارا ورزان بغرفه والعيال طلال وخالد ورائد بغرفه وغرفه لام خالد وغرفه للجدين يعني البيت يالله يكفيهم
بعد ماتزوج محمد موضي ظل معها وانجبوا عيالهم بس بوسط الزواج هو تزوج نوال
الي اصبح شريك مع ابوها في شركته بما ان محمد كان مهندس وطموح جدا وذكي عرف من اين تؤكل الكتف فتزوج نوال وانجب منها
بعد ماتزوج نوال بدت تسحبه من بيته وعياله شوي شوي الى ان تركهم نهائيا ولا صار يدري عنهم من قبل 16 سنه يعني بعد ولادة رزان بسنه اختفى عن حياتهم للابد
لاصار يسأل عنهم ولا عن ابوه وامه ولا اخته ولا أي احد ( ما ان شخصيته طيبه فأصبح من السهوله على نوال سحبه )
..
علاقة عبدالله بأخوه كويسه ولكن من جهة زوجته نوال يعني نفس الشي نسى ان عند اخوه عيال من موضي وعلاقته بأمه وابوه سطحيه جدا من عيد لعيد
ناديه كويسه جدا مع موضي وبناتها وطبعا الاكيد مع امها وابوها
لميا توها راجعه من الدوام
عيال موضي كلهم شطار بس الدنيا قاسيه عليهم مااعطتهم مجال يختارون دروبهم هي اجبرتهم واختارت لهم حياتهم !!!
لميا( ملامحها جذابه طويله ونحيفه شعرها بني طويل عيونها ناعسه وتحس في بعيونها تعبمن تعب السنيين اااخ ياقلبي ) ولكن عندها شخصيه قويه لدرجه كبيره اخذتها من ابوها وعزة نفس لاتطاق : ياربي حر مو طبيعي قرفت من كل شي وربي كل شي لميا خلصت ثانوي واشتغلت بمدرسه اهليه ادريه على شهادة كمبيوتر عشان تساعد امها في مصاريف البيت مع انها كانت جايبه معدل 92% وكان نفسها ومنى عينها تدخل لغة انجليزيه بسضروف امها اجبرتها تطلع بما انها اكبر اخواتها ولا في احد يصرف عليهم
رزان ( نعومه ونحيفه جدا شعرها قصير ماتحب تطوله ابد ملامحها طاغيه انوثه عليها عيونها صغار وشفايفها منتفحه وبيضاا) : هههههههههههههه تدرين لموي( دلع لميا)
بكره لاتزوجتي تولهين على الحر اكيد زوجك مايبي يشغلك
لميا : هههه ضحكتيني واانا ضايقه مابي اعرس ,,
ساره ( فيها شبه من لميا بس عيونها غير عيونها كبباارر حيييل وسووود على ابوهاا ملامحه عيونه حاده بس هي على اكثر وسووود لونها اسسود مثل الليل واذا اعصبت وفتحت عيونها على الاخر تصير شي ههههه عالم ثاني وشعرها اسود يعني حلوووه : ياللللللله الغداااااااا
موضي : يالله ييابنات الغدا لا يبرد
خالد ( طويل وجسمه رجولي له شنب خفيف وعيونه سوود وكبارو ناعسه بس مو مثل سارا) : ياربي نفس الغدا كل يوم والله لو ادري ماجيت
خالد نفس الشي ترك الدراسه وهو بأول جامعه خساره نفس الشي كان وده يكمل بس ضروفهم كانت اقوى منهم يعني هو واخته الي يصرفون على البيت كان يشتغل عامل بشركه صيانه
موضي : احمد ربك على النعمه غيرك مو قادر يطولها
رائد : هههههههههههههههه ضحكتيني وغيرنا هذا بعد تركهم ابوهم نفس حالتنا !!!
لميا بجديه : رائد تبي اكل ماتبي قوم لغرفتك ذاكر لك كم كلمه اصرفلك مو ناقصين وجع راس
الجد والجده من طبعهم يتغدون بدري يعني قبل العيال
رائد : اف استغفر الله ياربي (( رائد يدرس بالجامعه ادراة اعمال ))
طلال يدررس بمعهد حاسب الي سنتين اخر سنه له تأخر لانه مادخل بدري ,,
زران وساره بالثانوي
بعد الغدا بالمطبخ لميا
لميا : هههههههه موب صاحيه انتي ههههههه
سارا : والله جد حتى جنان تقول هههههههههههه
لميا : مااهبل منك الا جنان ههههههه
دخل خالد عليهم : لميا ابيك شوي
التفتت عليه / خير؟؟
خالد: تعالي برى
طلعت لميا له : خير ؟؟
خالد: معك فلوس ؟؟
لميا : ياربي منك ليش وين باقي راتبك؟؟
خالد : ضحكتيني أي راتب صاحيه انتي سديت فواتير الكهربا والماء وجبت مقاضي وخلص مابقى الا حق البنزين والحين هويت شوفي (( يورها جيبه )) مامعي غير 54 ريال !!
لميا رحمته : هههههه اصبر ابجيب الي معي بس مو كله تدرري مصاريف البنات والله مو لي لاخواتك
خالد بحزن : ادري والله ادري
خالد ولميا عصاميين ماكان اعمارهم بالعشرينات اكلو الشوك عشان يعيشون اخوانهم خالد هذا الي تشوفونه تخيلوا !! كان يشتغل بدوامين قبل لميا تتخرج من الثانوي؟؟
عشان يصرف عليهم ولا كان يقول شي مره ،، مره بس رفض عيشته وراح لاابوه وهو عمره 22 سنه وكان هذا الحوار ,,
محمد : خير؟؟
خالد: يبه شفيك ماتبي تشوفني؟؟
محمد بكل قسوه : لا وش جايبك ؟؟
خالد اخنقته العبره ولا قدر يتكلم في ابو بالدنيا كذا قاسي؟؟ وين وصلنا ؟؟ ليش كذا ؟؟
محمد طلع من جيبه 1000 ريال ورماها بوج خالد
خالد باستغراب : وشو هذي؟
محمد : مو جاي عشان فلوس؟؟ خذ يالله خذ !!
خالد حس انه فقير معدم سحب رجله وطلع وقبل يطلع التفت على ابوه وقال
خالد : اسف اني ذليت نفسي وجيت
وهذي طلعته من ابوه قبل اربع سنين لعن الساعه الي راح له فيها
ابوهم ناكرهم ولا يبيهم وطردهم من حياته شر طرده !!!
لميا : خذ ياباشا
خالد جالس على الدكه حقت الحوش ويناظر رزان وهي تحل واجباتها وسارا تكنس الصاله
خالد مد ايده واخذ من لميا وعيونه غرقت ماوده كذا مايبي كذا هو رجال البيت وياخذ من اخته ليته مره ولا مرتين كل شهر لازم ,,,,
لف بعيونه بعيد عشان ماتلمح الانكسار الي فيها يعرف لميا ذكيه وتفهمها
لميا حست فيه : خالد
خالد وهو بعيد عيونه عنها : هلا
لميا : لو ماانت جنبي وجنب امي انا منهاره من زمان ,,,,,,,وشهقت صياح
التفت علها بسرعه : ليش ليش الصياح
لميا : خلني اطلع الي بداخلي مكتومه
امسحت دموعها قالت : بروح اريح شوي قبل لايأذن العصر تعرف جدتك ماتخلي احد ينام ههههههه
خالد ابستم لها والالم يعصره يقتله من داخل يحس انه بركان يداري عليه عشان لا ينفجر ولا يأذي الي حوله
………………………………………….. ……………………………….
عبدالله توه داخل البيت (( ساكن في فيلا كبيره تجنن الفخامه طاغيه عليها اكثر من حجمها حديقه كبيره شلالات في ثلاث اركان منها المجالس اربعه على زوايا وعلى اشكال صاله كبيره والدرج بالنص على يعني ولا راوع ))
فايزه على الكنبه تبرد اظارفرها : هلا حبيبي
عبدالله وهو يجلس على الكنب : هلا وغلا كيفك وين العيال ؟؟
فايزة : سوسو نايمه وطارق لسى ماجا من العمل
اسيل تدرس جامعه تخصص لغه فرنسيه وطارق متخرج من هندسه معماريه
عبدالله : حلو حلو اجل اليوم عازمكم على الشعا بلييل شرايك ؟؟
فايزه : وااو يعني ماراح تروح للعياده ؟؟
عبدالله : نو نو الا اذا تبيني اروح مافي مانع هههههههههههههه
فايزه : انتي تقولي لالا طبعا ههههههههه
عبدالله : كويس اجل على الساعه 9 خليكم جاهزين انا بريح شوي يالله سلاام
فايزه : اووووكي
………………………………………….. ………………………
ابو خالد وطبعا نوال مستحيل تسمه ابو خالد وهذا اول شرط عليها هههه تسمه بأسم ولدها الكبير ياسر
نوال: الحين انا بعرف انت كل ماقلتلك تقولي نسيت
محمد : لاحول ولاقوة الا بالله يابنت الحلال براسي مو بس طلبك عندي بلاوي خلاص قلت لك قبل نهاية الشهر لك الي تبينه خلاص
نوال تتأفف : أي لو تحبني مانسيت !!
محمد : ههههههههه الحين ماصرت احبك عشاني نسيت هههههههه
وربي حاله الحريم ههههههههههه
نوال بأستغراب : أي حريم؟؟ ليكون تلعب من وراي ؟؟
محمد: وانا اقدر هههههههههههههههههههههه
يارا ( حلوه مرره وناعمه ومرره كشخه طبعا بما انها بنت العز شخصيتها طيبه وحنونه بس قساوة امها ماعلمتها وين او كيف تتصرف يعني امها تمشيها على كيفها تدرس باالجامعه تخصص رياض اطفال وتموت على الاطفال وراح نشوف بأحداث قصتنا ) : هااااااااااااااااااااااي
االكل : هلا
محمد: ههههههه هلا وغلا بيارت قلبي
يارا بدلع : بابا حبيبي امووووووووووووووووووا
نوال تطالع وتقول : حمد لله والشكر يارب
محمد : ليش شفيك ؟ موعاجبك انها تبوس راسي
نوال قامت : بروح اصحي ياسر ابيه يروح يشوف بنت خاله اذا عجبته ابخطبها له
محمد ويارا : هههههههههههههههههه
يارا : مين ليكون ريم؟؟
نوال وهي تمشي : أي ليش؟؟
يارا : ماتصلح له البنت هاديه وولدك غير طبايعه
نوال : مو لازم مثل بعض اهم شي فلوس ابوي ماتطلع برى !!!
يارا : ياربي
محمد : اتركيها يعني متوقعه ياسر بيوافق ههههههه
دخلت على ياسر بجناجه
طبعا ايش اقولكم عن بيتهم شبه قصر بس على خفيف هههههه
كل واحد له جناح من االبنات ونفس الشي العيال وايش احكي لكم عن الخدم !!!
نوال: ياسر يالله
ياسر ( طويل وحلوو فيه شبه من اخوه خالد بس الاكثر طلال نفس شخصية امه عنيد جدا جدا والي براسه يسويه ان رضو الي حوله وان وافقو يعني ماهمه احد ابد ابد يدرس بالجامعه طبعا متأخر سنه مفروض متخرج بس اخر سنه له يدرس ادرة اعمال بهارفرد وجاي زياره لاهله عشان كذا امه تبي تزوجه قبل يروح خخخخ )) كان صاحي بس توه ماقام : هلا أي أي طيب خلاص
نوال بشده : قوم بسرعه على موعدنا اليوم ابيك تروح تشوف ريم
ياسر فزز من سريره بسرعه : وشووووو أي ريم وشو ريم ؟؟
نوال : تستعبط ؟؟ قلت لك ابي اخطبها لك !!
ياسر : يمه مشاريعك بعيد بعيد عني الله يخليك انا جاي زياره ماجيت اعرس !!
يزيد : هههههههههههههههههههههه مباركين عرس الاثنين هههههههه
ياسر وده يذبح يزيد : اطلع برى
يزيد يستهبل :هههههههههههههههههه أي عريس من قدك هههههههههههههه
ياسر : زوجي هالخبل لريم انا بعيد عني بعيد
نوال عصببت من ياسر : قلت لك تاخذها يعني تاخذها انا ماجبتك من دراستك عشان تقولي كذا
ياسر : أي جبتيني ؟؟ عندي اجازه الوالده كبرت الظاهر قامت تخربط ههههههه
يزيد : ههههههههههههههههههههههه
نوال عصصصصصصبت : يزيد اطلع برى وانت لو ماتجهزت خلال نص ياعه تشوف فاهم ولالا ؟؟؟
اوامر اوامر عصبيه مافي نقاش حده في الحكي مزاجيه تامه حياة لاتطاق كان اساسها هروب ياسر للخارج يدرس مو كل عشان الدراسه لانه عارف امه بما انه الولد الكبير امه راح تلصق له وحده من بنات خاله وهذا الي مايبيه لانه كان شايف وعارف وضع ابوه مع زوجته موضي ولا يبي يصير مثله بالقرايب !!!!
………………………………………….
هذا الجزء الاول منها ارجو ان تنال قصتي اعاجبكم وراح اوعدكم بأذن الله انزل جزء واحد كل اسبوع لاني مشغوله جدا هذي الفتره بس بعد كذا راح انزل اكثر من جزززء بأذن الله
الانسه الصغيره :072:
