عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيف حالكم يا اخواتي
خواتي .. مثل ما تعرفون انا كنت حامل ودخلت بالمنتدى عشان اقرى تجاربكم مع الحمل لكن الحمد لله على كل حال
بذكر لكم قصتي واتمنى من كل وحدة تدخل انها ماتبخل علي بالدعاء ان الله يعوضني خير عاجلا غير آجل
طبعا انا كنت حامل في آخر الشهر الخامس وكانت فرحتي لاتوصف وكان طفلي يتحرك وكان قلبي يتحرك معه في كل لحظه كان مالي علي حياتي حتى وانا ماشفتهوطبعا كنت كاشفه وعارفه انو الي ببطني (ولد) وكنت اعد الليالي والايام لشوفته
وفي الاسبوع العشرين يعني بمنصف الحمل في آخر الشهر الخامس
صحيت العصر وانا احس بالام تجي وتروح اسفل بطني لكن ما كنت اعرف وشي
وكنت قبلها بثلاث ايام رايحة للمستشفى ومسوية مشف كااااامل على الجنين والرحم وكل شي سليم .. فعشان كذا قلت اكيد مافيه شي وجلست انا واللآلام كل شوي تزيد وبديت احس بالخوف بس كنت متطمنه لان الجنين كان يتحرك وبزياده بعد وجلست لحد ماجت الساعه 11 بالليل والالم مازال مستمر معي بعدها دخلت الحمام الله يكرمكمولما مسحت وانا اشوف دممممم ؟ انا اصبت بالفجع وعلى طول رحت دقيت على زوجي وكان بدوامه
وجا وشالني على طططول للمستشفى ودخلت على طول الطوارئ ولما جت الدكتوره
قلت لها عن حالتي وكانها مستغربه لان الجنين كويس والنبض موجود! قالت ما ادري والله يمكن يكون فيك طلق لازم اكشف
عليك من تحت عشان اشوف اذا الرحم مفتوح ولالا انا قلت عادي بس اهم شي اتطمن على الجنين ولما شكشفت علي من تحت قالت الصاااااعقه : آه انتي شكلك حتسقطي الرحم مفتوح ؟؟؟؟؟؟؟؟؟؟
انا ذهلت وحسيت ان كل شي حولي وقف وعلى طول جلست اببببببكي واقول لالا مافيه حل وهي تحاول تهديني هي والسستر الي معها فحمدت الله على كل حال
وطبعا لانهم مستشفى خاص يرمون كل شي على الحكومي حتى يخلون مسؤليتهم
جت عندها دكتوره ثانيه وكذا سستر وقامو يتكلمون بالانجليزي وبعدين جتني الدكتوره الثانية وقالت شوفي انتي روحي لمستشفى حكومي عشان فيه عنايه للخدج
لان يمكن البيبي يولد وهو عايش بعدين يموت عندنا وحنا ماعندنا عنايه بالخدج
انا على طول طلعت معهم وانا احس راسي ما اقدر اشيله حتى الممرضه كانت مجهزه لي كرسي متحرك
عشان توصلني للباب رحت وتركتها فتحت باب السياره وركبت وانا اببببكي وقلت لزوجي الخبر صعق وذهل بس يحاول مايبين لي ويحاول يهديني ويذكرني بالله وانا استغفر بين دموعي واقول الحمد لله على كل حال
وبعدها دخلت المستشفى الحكومي واول مادخلت كان زحمه بس دخل زوجي على الطوارئ وبسرعه دخل على الدكتوره وكان صوت بكائي طالع دخلت على الدكتوره وجت تركض لي بالرغم ان كان عندها مريضه بس على طول اخذتني وكشفت علي وبعدين قامت تنادي الممرضات بصوت عالي واخذوني بالسرير وطااااااااروو فيني فوووق لقسم الولاده ومن بعدها ماشفت زوجي لاني دخلت قسم الولادة وكانت الساعه 1باليل كشفت علي دكتوره وقالت الولاده موب الان الرحم لسا 3 سانتي وجلست على سرير انتظار الولادة وانا اسمع اصوات الحريم وهم يولدون وشوي واسمع صوت اطفاله والله كنت ابكي واستغفر والاستغفار والله ماخليه وادعي وانا ابكي والطلق كل شوي يزوود ويزوود واللي كان مقطع قلبي اكثر شي اني وانا اطلق كان البيبي يتحرك ويراااافس يعني حي ومافيه شي وكل ماجت الممرضه تكشف على النبض يكون حي بس الحمد لله على كل حال …
جت الساعه 7 ونص الصباح والله يسهل لي الولااااادة على طول طلع وكان صغيييير حجمه 300 غرام !!
لكن الحمممممممممممد لله اول ماطلع مااات على طوول حتى صوت ماطلع له صوت !!
وبعدها بشوي جت لي الممرضه وتسالني تقول تبغين تشوفين البيبي قلت لها لا!!!!
لاني والله ياجماعه مالي قلب اني اشوف اول ولد لي ويكون ميت .. حبيت اني ااجل شوفته الى يوم يكون واقف على ابواب الجنه وهو شفيع لي ….
والان لي اسبوعين من ولدت والان اكتب لكم ويالله اشوف الحروف من الدموع ما قدرت انساه وانسى لحظاته الحلوه بعد وانا كان لي مده ماحملت فكانت فرحة حملي كبيره لي ولزوجياسأل الله العظيم رب العرش الكريم ان يفرح قلبي وقلب زوجي عاجلا غير آجل
لا تحرموني دعواتكم ياخواتي
اختكم . ام عبد الله .
