عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمه الله وبركاته
يافراشات بقولكم مشكلتي واتمنى كل وحده تحط نفسها وتقولي كيف اتصرف ؟
لاني متضايقه من جد
قبل فتره سنه تقريبا تعرفت على انسانه وكل يوم والثاني كانت علاقتي تقوى فيها البنت حبيتها من اعماق قلبي انسانه اخلاق وطيبه ومع كذا كانت ملتزمه نوعا ما وزرعت بنفسي اشياء حلوه الحمدلله مازلت مداومه عليهاا
علاقتها كانت مثل تؤام روحي مستحيل يوم ماسمع اخبارها ولا اكلمها
طول الوقت سوالف مسن وبالكليه وبالجوال ومسجات اتعب وانا اوصف لكم قد شنو كانت علاقتنا قويييييييييه مع انها اكبر مني بـكم سنه بس
المهم بعد فتره البنت انخطبت .. طبعا مادريت منها دريت
من الناس وكذا انا انصدمت ليه ماقالت لي ! وانا اقرب الناس لها مع انها كتومه بس ولو حتى كنت اسألهم مين ووكذا يعني .. ويطنزون يقولون تستهبلين انتي .. المفروض انتي اللي تنسألين واجلس اضحك كأني ادري بشيء
بعدها تعذرت لي انها استحت وعذرتها ..
بعدها جات فتره الملكه والخطوبه وهالاشياء البنت تخلت عني كليييييييييييا
وربي اني مراعيه ان البنت تنشغل بالتجهيز وان زوجها يعني شي جديد ومبسوطه فيه بس هي تركتني كليا اشوفها وكل اللي بينا سلام واخبارك لااجلس معها ولا تكلمني ولالالا شيء حتى الغريبه ماتعاملها كذا !!
ماقول انا مميزه وماغلطت .. بس انا اكره شي عندي اني اكون لاأحد لقضاء وقت فراغه وتسليته .. واذا انشغل تركني
حتى اللي حولي يحرجوني وين فلانه اول معها مره انتي ووووو كلام كثير انتو عارفينه حتى امي دايم تسألني عنها وهي واقفه بصفي على قولتها اللي باعك بيعيه وانسيه ..
حتى المسن تركته واذا دخلت تقولي اسفه بس مشغوله وفتره خطوبتها ماكانت قصيره يعني قرابه الـ 8 شهور وهي ماتعرف عني شيء و لاا انا اعرف عنها شيء … وكنت بهالفتره كلها اتألم من قلبي ودايم اتذكرها وابكي ..
لان شي صعب علي كثير
بعد كم اسبوع زواجهآ وبتعزمني عليه وانا كثير سألوني قلت لهم اني ماراح احضر وقالوا لامايصير وخليك احسن على الاقل ليله عمرها تشوفينها فيها وكذا كلام وبيني لها انك اصيله ؟
بس كيف احضر زواج وحده تخلت عني كليا وماعدت اعني لها شيء
وسمعت من وحده تقرب لها انها تقول انها خايفه اني ماحضر زواجها وكذا ..
ااهـ من جد انا متضايقه واتعذب
وربي يعلم ان حبها مازال بقلبي وغلاتها جد اهتزت بس وربي اتمنى لها التوفيق
والسعاده …
شرايك وش التصرف الصح اللي اسويه ؟؟ ودي اشوفها بزواجها بس مابي اروح العرس ابدآاا وقلبي متألم كذا احس اني بصيح بدخلتها
شوروا علي وش اسوي ووشو الصح ؟
😆 🙂 😆 hy: 😆 hy: 😈 😀
