عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اولا الحمد لله على سلامة الكل وما حدا يشوف شر ان شاءالله
يابنات انا بحكيلكم قصتي مع الامطار اللي صارت
يابنات انا كنت يومها في الجامعة اللي بالشرفية وجلست من الصباح الساعة 7ونص لين الساعة 11.30 بعدين طلعت انا و معاي 3 موظفات طلعنا بسيارة جمس والله يابنات ان الموية غطت رجولنا واحنا في السيارة ما قدرنا نكمل ورجعنا تاني للجامعه كان العدد تقريبا 100 شخص بينهم موظفات والعميدة والدكتورات والخالات ومجموعة من الضيوف كان عندهم مناقشة المهم ان من الساعة 11 لين الساعة 6 المغرب والكهرب مقطوعة في الكلية وجوالاتنا قرب شحنها يخلص والله يابنات كانت الحالة صعببببببببة
المهم تقريبا ع الساعة ال6.30 دق الرجال اللي بيودينا وقال اطلعوا احنا ماشيين لان الوضع صعب وطلعنا السيارة ونصها بالموية بعدين ما لحقنا مشينا خمس دقايق الا والسيارة مرررررة ما فيها تتحرك
قربنا لأقرب شقق مفروشة ونزلنا فيها بعدين جلسنا فيها من الـ7 لين ال1 نص الليل ودق مرة تانية الرجال وقال يلااا بنحاول نروح البيت وخرجنا وركبنا السيارة بس مشينا خطوتين رجعنا تاني للشقق الله المستعان عن جد (وقتها خلاص الجوالات قفلت والشقة اللي نزلناها الكهرب مقطوعة فيها وفي كل الحي)
المهم احنا لما خرجنا من الجامعة فضل تقريبا 100 شخص من زميلاتنا محتجزات فيها
والله واحنا في الشقق (الشقق قريبة من الجامعة واحنا شايفين الجامعة من شباك الشقة) تخيلوا شفناهم وحدة وحدة والهيلوكبتر بينقل فيهم والله صعبوا عليااا مرررة بس الحمد لله كلهم سليمين والله كان بينهم بيبي عمرها 4 شهور
المهم احنا لما رجعنا نمنا وصحينا 5 الفجر لما طلعنا سبحان الله الموية اختفت والله يابنات كانت للخصر بس لما خرجنا خلااااص جفت بس في مناطق لسة والساعة 5.30 وصلت البيت بالسلامة الحمد لله
بس للأسف خسرت شيئين غاليين عليا . خسرت الشبشب حقي هئ هئ هئ راح مني لما طحت في الموية كنت طالعة السيارة ونزلت من درج الكلية وتقديري كان خاطئ للعمق بس نزلت رجلي الا وانا …….لا تعليق
طولت عليكم بس حبيت احكيلكم اللي صار معي والحمدلله مرررررة تانية ع سلامة الجميع
وهادي صور من جوالي يوم المطر صورتها من مبنى ادارتنا من السطح
