قصتي مع الليزر

ببدأ يابنات بدون مقدمات
قبل سنتين تقريبا قررت اني اشيل الشعر اللي في وجهي بالليزر
رحت على مستشفى المانع واول شي دخلت على دكتوره
وقالت لي اني احتاج من 15 الى 20 جلسه
اول 3 جلسات شهريا وبعدين كل 3 شهور جلسه
قلت لها اوكي وطبعا الجلسات تبدأ من 500 ريال
ومع تقدم الجلسات ينزل السعر الى 300 ريال
اول جلستين سويتهم عند دكتوره اخلاقها مو خوش
وفي الجلسه الثانيه شالت لي شعر راسي
غيرتها وحولت على دكتور ثاني
والحين صار لي اكثر من سنه ونص مع الدكتور الثاني ولا فيه فايده
شعر وجهي صار لونه اسود وكل شهر يطلع لي ولازم اروح اشيله
ولما قلت للدكتور انه شعري صار اخشن من اول ولونه اسوود
وثانيا للحين يطلع لي كل شهر لازم اشيله بليزر
قال لي انتي حظك كذا مع الليزر
واعتبريه بدل الخيط
انتي لو كنتي تشيلي بخيط كنتي بتشيله كل اسبوع
هذا الليزر كل 3 اسابيع او شهر
والله العظيم يابنات هذا اللي صار بدون مابالغ

نفسيتي تعبانه واتمنى اني ماشلت بليزر من البدايه
بس خلاص لازك اكمل لانه شعري صار لونه اسووود ويطلع اطول من اول
فبنات احذروا لا احد يشيل بليزر الا اذا تأكد من انه المستشفى شاطر في هذا الشي
انا الحين افكر اروح مركز غسانه الطبي يمكن استفيد
فاللي عندها اي معلومه عن المركز ياريت تفيدني واكون لها مشكوووره