عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم,
اليكم التقرير التالي:
كان عندي تيلفون نوكيا Nokia 1208 اشحلاته ماخذنه ب 300 درهم ومرتاح. لا يعلق ولا يشوط ولا يتصل تلقائيا وما فيه احسن عنه.
مرة كنت راكب السيارة ولما ظهرت التيلفون, شفت الشاشة مكسورة. وكنت محتاج تيلفون قلت خلني اخذ تيلفون يديد. قلت خلني “اطور” واخذي هاي ستاندرد. قلت يا اما اخذلي نوكيا كميونيكيتر 9300i بدون كاميرا او بلاكبيري الي بدون كاميرا. بدون كاميرا لظروف العمل طبعا.
قبل كان عندي 9300i وكان مبهدلني لانه يعلق وايد والبروسيس مال تعبان. يمكن لاني ما سويتله تجديد او شي.
قلت خلني اخذ هالي يمدحونه خلق الله, بلاكبيري. مع اني ضده بسبب استغلاله السيء بس قلت خلني اخذه لاستعمالي الخاص.
وخذته من اتصالات ب 2200 درهم, باركولي.
اول يوم كان اوكي مع اني ما اعرف استخدمه. بس سويت الست اب ماله وهالسوالف اللغة وكل شي ما عدا الايميل لاني ما فعلت الانترنت لاني ما احتاجة.
يا اليوم الثاني وما اشوف الا الرسايل ممسوحة!
دورت الشورت كت مال الرسايل, ما حصلته!
القائمة استوت اصغر من قبل!
ما قامت توصلني اي رسالة!
المنبه ما قام يرن!
التيلفون ما يرن يوم حد يتصل بي ويظهر لي فقط مكالمة لم يرد عليها!
وقام يظهر لي مسج انه عندي مشكله في الجافا او ما ادري شو.
قلت شو دعوا!
اتصلت 101 قالوا لازم انطرش لك فايل وتسوله داونلود وترجع التيلفون لحالته الاصيلة.
وطرشوا لي الفايل وفتحته وحطيت كل البيانات ما عدا الدوله, مكتوب LOADING. اول مرة اشوف موقع بعده يالس يسوي لودينق حق اسماء الدول.
تميت يمكن عشر دقايق قلت شكله السيستم معلق. وبندته.
وييت الجزيرة وقلت خلني ارقد شوي لين ما اي وقت الدوام واسير, وخذتني النومه وما اشوف الا واحد داق علي في يتلفون الغرفة. قال وين انت متصل على تيلفونك 7 مرات وما ترد علينا عندك اجتماع قوم الحق. قلت يابوي هذا التيلفون التعيس. والحرمه متصلة 4 مرات عشان توعني حق الدوام. وصدق اتلعوزت بسببه.
الحين اقول ياليتي خذيت الحب القديم بو 300 درهم وارتحت.
وهذا تقريري المبسط عن بلاكبيري التعيس.
والي يعرف شو مشكلته وشو اسوي الحين, ارجوا انه ينقذنا من هالورطه.
وسلامتكم.
__________________
