قصتي مع ثالث ثانوي…قصة مأساة وخيبة لكن فيها الكثير من العبر اتمنى ان تستفيدوا منها

والله اني السنة اللي فاااتت مت وانا اذاكر من بدااية السنة الى نهايتهاا ومن من المدرسة على طول للمدرسة الخصوصي من فيزيا لرياضياات يعني دواام درااسي شاااق كااامل على طول اليوم وان قصرتي مع الخاصة ياويلك وان قصرتي مع هالمدرسة ياويلك اكثر..واحنا كان اهم شي عليناا هالدرجة

وانا طول عمري كنت من الممتازات والمتفوقاات يعني مو شي غريب اني اهتم فيها اهتمام شديد

وهذه كانت حياااتي وحياة الكل اللي كانوا بدفعتي

كنت حااطة اماال كبييرة بالتخصص اللي ابيه وهو هندسة الديكور..

بس طبعا والكل سمع او عرف او شااف بعيوونه الأسئلة اللي صمعونا فيها العاام وشلوون غدروا فينا الله لايساامحهم وخصوصا مع بناات علمي

ومو بس يكفي مادة الرياضياات اللي خربوها علينا وجابوا لنا اسئلة مادري من وين يمكن من تحت طاولتهم

عسااهم العمى

وفي النهاااية تميت كل فترة الإمتحانات اتذكر الرياضيات واصيح وتخيلوا اسبوعين مانمت والله العظيم

وندخل القاعات نصارع الأسئلة والدوخة في نفس الوقت

وكل هذا بسبب اول ماادة اللي خربت علينا بقية المواااد واللي كمان كانت اغلب هالموااد تمووت..

وفي النهااية جاه وقت النتاايج ورسلت مسج بالجوال وجات النسبة وهي كانت 95% وخاااب ظني فيها واااااااااااجد وانقهررت مع ان الكل قالي انها زيينة وحلووة واااجد بس هم انا كنت ادري اني استحق نسبة عالية .. لأني كنت حاطة في بالي على الأقل 97% لأني كنت السمستر اللي قبل 98،55% يعني نسبة عالية

وتظنون اني صدمااتي انتهت على كذاا لاااااا

واسجل بالقسم اللي كنت احلم فيه واتمناه من وانا صغييرة وكنت انا الوحيدة من ضمن معاارفي لمن كنا صغار الى ثالث ثانوي اللي اذا اسئلوها شنو التخصص اللي تبينه تقول هدسة ديكوور وحطيت كل امالي واحلامي في هالتخصص لأن جااي مع موهبتي وهي الرسم…

المهم 95% يقبلونها الهندسة

طبعا انا خلصت امتحانات رئاسة على طول رحت استعد لإمتحان القدرات ..كنت على بالي ان ابواب الجنة راح تفتح لي الحين..ماالت عليناا

ورحت الدماام وامتحنت امتحاان القدراات ومدته خمس ساعات يعني مدته اكثر من امتحان الطب بساعة اللي الله لايورييكم والله ثم والله ثم والله ولاالمهندسين المعمارين اللي لهم 20 سنة خبرة بيقدرون بيحلوونهم

وامتحاانين ورى بعض على طول وعلى طرد النفس لابريك ولاهم يحزنون..وحسبوا اني كنت سالكة طريق ساعتين مشوار غير اني هم ماعرفت اناام الليلة اللي قبلها

وطلعت من الإمتحاان شبه ميته وكانت معاي بنت خالتي اللي من الدمام و اللي كانت نسبتها 99%

وانتظرنا نتيااايج قبول الجاامعة على احر من الجمر..وفتحت الكومبيوتر ودخلت عموقع الجامعة وحطيت كل بيااناتي وانصمع اني ماانقبلت وادق على بنت خالتي الثانية اللي كبري وكانت نسبتها 90% والحمدلله انقبلت واقولها حاولي انتي من كومبيوترك وهم نفس الشي مو مقبولة؟؟!!..

وخالتي تدق علي وتسئلني وانا اصيح وتقولي بشري واقولها مانقبلت ياخالة وكان يمها ولدهاا ويدخل من كومبيوترهم هم نفس الشي ماانقبلت !!!؟؟

ذاااك اليوم الله لايوريكم حااالتي وتلفيونا ابد مااسكت….

تخيلوا ماقبلوني لاانا ولابنت خالتي اللي من الدمام ..يعني ماقبلوا لااللي عندها موهبة ولااللي معاها نسبة عاالية…ماقبلوا الا ربعهم وذرهم..وهذا ونسبنا تخولنا لو احنا في اي بلد ثااني يبعثونا للخارج للدرااسة والهندسة وعلى حساابهم بعد كل النفقاات

المهم مافاد الصياح ولافااد النياااح

حاولت اني اسجل قسم ثاني في الجاامعة …بس الله لايوريكم ابوي راح ثلاثة ايااام ورى بعض بس يبي يدخل يقاابل العمييد بس كان هناااك افواااج يقول ابوي بالمئااات وتم من الصبح الى 4العصر تخيلوا…؟!

لمدة ثلاثة ايام ولاقدر يطوله

وفي نفس هالوقت ولمدة شهر تقريبا ولد خالتي الثاني الله يعطيه الصحة والعافية ماتم احد في قسم العمارة والتخطيط ماكلمه او ماحاول معااه وهو يروح ويجي لهم ومكالمة رايحة ومكالمة جاية مع العمييد والمسؤولين الى ان حالوا يتفككون ويتخلصون مني فقالوله بنخليها على لستة الإحتياط للسمستر الجاي..

وجاه هالسمستر وراح لهم ولد خالتي ولاقابلوه وكلمهم اكثر من مرة عالتلفون والجوال ولاردوا عليه

فانا عرفت ان نيتهم شينة علي ..فخلااااص قلت لحلمي مع الهندسة Bey Bey

ولاعلى سنتنا لانسبةو لاواسطة ولاغيرها فادتنا…الا واسطة الأقارب هي اللي جابت نتيجة مع اهلها..

اذا الحظ صاار زفت خلاااص مافي امل…

الى ان ابوي في يوم بعد هالأيام اثناء فترة التسجيل قبل بداية السمستر الأول قدر يدخل وشرح حق هالعميد اللي بمنطقتنا الوضع تدرون شقاال..!

ااااااااااااااااه والله حسرة في قلبي

المهم على سنتنا المنحوسة والمقرودة كل شي قبيح صاار….

تخيلوا

في هالسنة وهي اول سنة على الإطلاق..اللي تسجل بالجامعة وبالكلية العلمية للبنات وكانت نسبتها عالية تقبلها الكلية..والجامعة ماتقبلهاا..

وانا ماكنت ناوية اسجل في هالزفت هالكلية بس على شان امي وابوي الله يطول بعمرهم رحت سجلت لأن كلنا على بالنا ان هالسنة زي كل سنة راح يصير اني انقبل في الجامعة وفي الكلية بنفس الوقت وانا ادخل اللي ابغاه..بس لاااا الحظ الزفت يلعب دوور

بعد ماسجلوا اغلب البناات اذا مو كلهم في الأثنين توهم حضراات المسؤولين ينشرون الخبر ويقولون اللي تسجل في الأثنين وكانت نسبتها عالية يعني مثل نسبتي تدخل الكلية …والله لايوريكم هالكلية والله زرييبة حيوانات مو كذا ..شي قبييح لايوووصف…غير مؤهلة للدرااسة فيهاا ابدا مكاااان مكسسسرر حدده ومغبرر شي قبيييح جدا جاب لي كل انواع الإكتئاب..ولالا اااااااااه حطوووني في اقبح واشنع وازفت قسم وهو الفيزيا اللي كان دم ضروسي بثاالث وعقدتي الوحييدة تخيلي تدخلين قسم مو بس تكرهينه الا عندك الموووت الحمر ولا انك تدرسيينه

واللي نسبتهم 89% مثل صديقتي..90%مثل بنت خالتي الثانية مانقبلوا كلية وانقبلوا جااامعة تخيلواا والله يوفقهم والله اني فرحت لهم من كل قلبي بس هم الحسرة على روحي لين الحين بقلبي

وبنت خالتي الأولى المتفوقة اللي نسبتها 99% تدرس ادارة بفلوووس تخيلوا بدال ماتاخذ مكافئات وهي تستحقهم بكل جداارة اهي اللي تعطيهم على كل سمستر عشراات الآلاف وانا اكييد عرفتوا ويني الحين..

انا اعزيزاتي في البيت لاااشغل ولامشغلة

شفتوا شلون مؤامرة هالأوبااش الأوغااد على اللي المفروض يكونون شباب المستقبل واللي المفروض اللي مثلنا يحطونهم فوق روسهم هالنخرة..

بس حكم القوي على الضعيف ماحاولت اغير القسم لأني قلت بينتهي هالسمستر وبسحب هالملف وطااالعة ..وخلص سمستر وانصمع ان تسجيل الفيصل بعد السمستر الثااني…وقلت خلاااص ياابنت

مالك الا بيتكم والحين حالي حال بناات ثالث علمي انطر امتحاانات القدرات والقبول من جديد بكل خوف وحسرة

وانشااااءالله انقبل انشاااااااااءلله

دعواااتكم لأني بأمس الحاجة لها..

وادري اني هذرت على رووسكم وااجد وطولت بس خلوووني افضفض شوي وارتااح واشيل جزء من هالهم وهالحسرة اللي بقلبي لها سنتين…

وهذه هي نهاية قصتي المأساوية مع ثالث ثانوي والجامعة ..اتمنى انكم تستفيدون منها وتاخذون العظة والعبرة…

والحيين الخلااااصة

يابناااااااااااااااااات ثالث علمي او ادبي حتى..

لاتتعبون روحكم وااااجد

لأن اللي ينتظركم مو مثل اللي انتوا كنتوا متوقعييينه…

سووا اللي علييكم وبس لاتزييدون..

لأن احتمااااااال كبيير تعبكم يرووح سدى

انا والله مابي احطمكم

بس انا قاعدة اقدم لكم الواقع المر…اللي بتعيشونه اغلبكم

والله انشااءالله يوفقكم ويعطيكم على قد نيااتكم

ويعطييكم الحظ والفرصة واللي احنا ماحصلنا عليه..السنة اللي فااتت

وعذذرا ع الإطالة مرة ثانية